Երևանում մինչև +41 աստիճան է սպասվում. ԱԻՆ–ը զգուշացնում է ուլտրամանուշակագույն ճառագայթման բարձր ինդեքսի մասին
28.06.2018,
13:38
Գագիկ Սուրենյանը զգուշացնում է, որ առաջիկա օրերին Երևանում օդի ջերմաստիճանը կհասնի +41–ի։
ԵՐԵՎԱՆ, 28 հունիսի. /ԱՌԿԱ/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը զգուշացնում է, որ առաջիկա օրերին Երևանում օդի ջերմաստիճանը կհասնի +41–ի։
«Օդի ջերմաստիճանը Երևանում հունիսի 29-30-ին կհասնի +40, իսկ հուլիսի 1-ից +41 աստիճանի», – գրել է Սուրենյանը Facebook–ի իր էջում։
Հայհիդրոմետկենտրոնը տեղեկացնում է նաև, որ հինգշաբթի ուլտրամանուշակագույն ճառագայթման ինդեքսը կանխատեսվում է 6, որի դեպքում խորհուրդ է տրվում ժամը 11:00-ից 15:00-ն ընկած ժամանակահատվածում խուսափել արեգակի ուղիղ ճառագայթներից:
Հունիսի 28-ի ցերեկը, 29-30-ը, հուլիսի 1-3-ը սպասվում է առանց տեղումների եղանակ: Քամին՝ հարավ-արևմտյան` 3-8 մ/վ: Օդի ջերմաստիճանը հունիսի 28-ից հուլիսի 1-ը կբարձրանա 4-5 աստիճանով, այնուհետև էապես չի փոխվի:–0–
