Երթևեկության կազմակերպման փոփոխություն՝ Երևանի Բաշինջաղյան, Բեկնազարյան և Մազմանյան փողոցների խաչմերուկի հատվածում
27.05.2016,
12:43
Մայիսի 28-ից Երևան քաղաքի Բաշինջաղյան, Բեկնազարյան և Մազմանյան փողոցների խաչմերուկի շրջանաձև երթևեկության հատվածում կկատարվի երթևեկության կազմակերպման փոփոխություն:
ԵՐԵՎԱՆ, 27 մայիսի. /ԱՌԿԱ/. Մայիսի 28-ից Երևան քաղաքի Բաշինջաղյան, Բեկնազարյան և Մազմանյան փողոցների խաչմերուկի շրջանաձև երթևեկության հատվածում կկատարվի երթևեկության կազմակերպման փոփոխություն:
ՀՀ ոստիկանության մամուլի ծառայության հաղորդմամբ` համապատասխան ճանապարհային նշաններով և գծանշումներով երթևեկությունը կկազմակերպվի այնպես, որ այսուհետ նշված խաչմերուկում երթևեկության առավելություն կունենան շրջանաձև երթևեկության հատվածում գտնվող տրանսպորտային միջոցները:
Բաշինջաղյան, Բեկնազարյան և Մազմանյան փողոցներից շրջանաձև երթևեկության հատված մուտք գործող տրանսպորտային միջոցները պետք է զիջեն շրջանաձև երթևեկության հատվածում գտնվող տրանսպորտային միջոցներին:–0–
