Նոյեմբերի վերջին Երևանում գինու համտես-տոնավաճառ կանցկացվի
26.11.2015,
12:38
Երևանի Հյուսիսային պողոտայի տարածքում նոյեմբերի 28–29–ը կկազմակերպվի գինու համտես-տոնավաճառ։
ԵՐԵՎԱՆ, 26 նոյեմբերի. /ԱՌԿԱ/. Երևանի Հյուսիսային պողոտայի տարածքում նոյեմբերի 28–29–ը կկազմակերպվի գինու համտես-տոնավաճառ, հաղորդում է ՀՀ գյուղատնտեսության նախարարության մամուլի ծառայությունը:
Միջոցառման նպատակն է խթանել հայրենական արտադրանքի ճանաչումը և գինու օգտագործման մշակույթի տարածումն ազգաբնակչության շրջանում։
Տոնավաճառին կմասնակցի մոտ 20 ընկերություն, որոնցից յուրաքանչյուրը կներկայացնի իր լավագույն արտադրանքը:
Գինու համտես-տոնավաճառը միտված է նաև նպաստել Հայաստանում տուրիզմի զարգացմանը և ներկայացնել մասնակիցներին հայ գինեգործության լավագույն ավանդույթները:
Միջոցառման կազմակերպիչներն են ՀՀ գյուղատնտեսության նախարարությունն ու Երևանի քաղաքապետարանը։ –0-
