Ալեն Սիմոնյան. ունեցել ենք 200-ի հասնող գերիներ, այսօր կա 23 հաստատված գերի, բոլորը վերադառնալու են
26.11.2025,
14:45
ԱԺ նախահագը վստահեցրեց, որ իշխանությունն ամեն ինչ արել և անելու է, որ բոլորն անխտիր վերադառնան՝ ընդգծելով, որ այսօր գերիների թիվը տասնապատիկ ավելի քիչ է՝ պատերազմից հետո գերիների թվի համեմատ
ԵՐԵՎԱՆ, 26 նոյեմբերի․/ԱՌԿԱ/․ Մենք ունեցել ենք 200-ի հասնող գերիներ, այսօր կա 23 հաստատված գերի։ Եկեք սպասենք, և ես վստահ եմ, որ գերիների թիվը ինչ-որ պահի հասնելու է զրոյի, հայտարարել է ԱԺ նախագահ Ալեն Սիմոնյանը ԱԺ-ում լրագրողների հետ հարցուպատասխանի ժամանակ։
«Վերադառնալու են բոլորը, վերադառնալու են նաև այն ժամանակ Ղարաբաղի ղեկավարները, վերադառանալու են բոլոր այն մարդիկ, որոնք գերեվարվել են կամ հայտնվել այնտեղի բանտերում», - ասաց Սիմոնյանը։
ԱԺ նախահագը վստահեցրեց, որ իշխանությունն ամեն ինչ արել և անելու է, որ բոլորն անխտիր վերադառնան՝ ընդգծելով, որ այսօր գերիների թիվը տասնապատիկ ավելի քիչ է՝ պատերազմից հետո գերիների թվի համեմատ։
