Արհմիությունների աշխատանքի հարցում պետական մոտեցում է պետք. Թումասյան
04.06.2013,
15:27
Արհմիությունների աշխատանքի երաշխիքների ապահովման հարցում պետական մոտեցում է պետք, կարծում է Հայաստանի Արհմիությունների կոնֆեդերացիայի նախագահ Էդուարդ Թումասյանը։
ԵՐԵՎԱՆ, 4 հունիսի. /ԱՌԿԱ/. Արհմիությունների աշխատանքի երաշխիքների ապահովման հարցում պետական մոտեցում է պետք, կարծում է Հայաստանի Արհմիությունների կոնֆեդերացիայի նախագահ Էդուարդ Թումասյանը։
«Դա անհրաժեշտ է, որպեսզի արհմիությունների միջոցով կոլեկտիվ համաձայնագրերի կնքումը պարտադիր լինի, որպեսզի մեր ակտիվիստների պաշտպանության լծակներ լինեն, և նրանք առանձնապես կախվածություն չունենան գործատուներից»,–ասաց նա «ԱՌԿԱ» գործակալությանը «Արհեստակցական միությունների գործունեության երաշխիքները» թեմայով խորհրդարանական լսումներից առաջ։
Թումասյանը նշեց նաև արհմիությունների գործունեության ֆինանսական ապահովման անհրաժեշտությունը, ինչպես դա օրենսդրորեն արվել է Հայաստանի հարևան երկրներում։
Նա հայտնեց նաև, որ այսօր Արհմիությունների կոնֆեդերացիայում ավելի քան 240 հազար մարդ է հաշվառված, իսկ Արդարադատության նախարարությունում գրանցվել և գործում է 780 արհմիություն։-0-
