Աշխարհահռչակ օպերային երգչուհի Մոնսերատ Կաբալյեն նշել է, որ Հայաստան կատարած այցելությունն իր համար ուխտագնացություն է
11.06.2013,
14:47
Աշխարհահռչակ օպերային երգչուհի Մոնսերատ Կաբալյեն Մայր Աթոռ Սուրբ Էջմիածին այցելելու ընթացքում ուխտագնացություն է անվանել իր այցը Հայաստան, հայտնում է Էջմիածնի տեղեկատվական համակարգը։
ԵՐԵՎԱՆ, 11 հունիսի. /ԱՌԿԱ/. Աշխարհահռչակ օպերային երգչուհի Մոնսերատ Կաբալյեն Մայր Աթոռ Սուրբ Էջմիածին այցելելու ընթացքում ուխտագնացություն է անվանել իր այցը Հայաստան, հայտնում է Էջմիածնի տեղեկատվական համակարգը։
Կաբալյեն Սուրբ Էջմիածին է այցելել նախօրեին Հայաստանի մշակույթի նախարար Հասմիկ Պողոսյանի ուղեկցությամբ, որտեղ լեգենդար երգչուհուն ընդունել է Հայ Առաքելական Եկեղեցու առաջնորդ Գարեգին Բ Ծայրագույն Պատրիարք և Ամենայն Հայոց Կաթողիկոսը։
Վեհափառ Հայրապետը նշել է, որ Կաբալյեի այցը Հայաստան մեծ խանդավառություն ու ոգևորություն է առաջացրել հայ ժողովրդի զավակների մոտ, ովքեր առանձնակի սեր ունեն երաժշտության հանդեպ:
Մոնսերատ Կաբալյեն իր հերթին Հայաստանն անվանել է քրիստոնեական հավատի բաց սիրտը:
Անդրադարձ է կատարվել նաև Հայոց եկեղեցու պատմությանը, հայ ժողովրդի կյանքում եկեղեցու դերակատարությանը, հայ հոգևոր երաժշտությանը և մարդկության կյանքում քրիստոնեական հավատի ու արժեքների կարևորությանը:
Ամենայն Հայոց Կաթողիկոսն իր օրհնությունն ու բարեմաղթանքներն է բերել աշխարհահռչակ երգչուհուն:
Հանդիպմանը ներկա է եղել Մայր Աթոռի վանական խորհրդի նախագահ, հրատարակչական բաժնի տնօրեն Տ. Նաթան արքեպիսկոպոս Հովհաննիսյանը, որի ուղեկցությամբ Մոնսերատ Կաբալյեն այցելել է նաև Մայր Տաճար և Մայր Աթոռի թանգարաններ:-0-
Կաբալյեն Սուրբ Էջմիածին է այցելել նախօրեին Հայաստանի մշակույթի նախարար Հասմիկ Պողոսյանի ուղեկցությամբ, որտեղ լեգենդար երգչուհուն ընդունել է Հայ Առաքելական Եկեղեցու առաջնորդ Գարեգին Բ Ծայրագույն Պատրիարք և Ամենայն Հայոց Կաթողիկոսը։
Վեհափառ Հայրապետը նշել է, որ Կաբալյեի այցը Հայաստան մեծ խանդավառություն ու ոգևորություն է առաջացրել հայ ժողովրդի զավակների մոտ, ովքեր առանձնակի սեր ունեն երաժշտության հանդեպ:
Մոնսերատ Կաբալյեն իր հերթին Հայաստանն անվանել է քրիստոնեական հավատի բաց սիրտը:
Անդրադարձ է կատարվել նաև Հայոց եկեղեցու պատմությանը, հայ ժողովրդի կյանքում եկեղեցու դերակատարությանը, հայ հոգևոր երաժշտությանը և մարդկության կյանքում քրիստոնեական հավատի ու արժեքների կարևորությանը:
Ամենայն Հայոց Կաթողիկոսն իր օրհնությունն ու բարեմաղթանքներն է բերել աշխարհահռչակ երգչուհուն:
Հանդիպմանը ներկա է եղել Մայր Աթոռի վանական խորհրդի նախագահ, հրատարակչական բաժնի տնօրեն Տ. Նաթան արքեպիսկոպոս Հովհաննիսյանը, որի ուղեկցությամբ Մոնսերատ Կաբալյեն այցելել է նաև Մայր Տաճար և Մայր Աթոռի թանգարաններ:-0-
