Երևանում ցույցը ցրելուց հետո ձերբակալվածների թվում կան լրագրողներ

ԵՐԵՎԱՆ, 23 հունիսի. /ԱՌԿԱ/. Երևանում ցույցը ցրելուց հետո ձերբակալվածների թվում կան լրագրողներ։

Երեքշաբթի վաղ առավոտյան ոստիկանները ցրել են ցուցարարներին, որոնք բողոքում էին էլեկտրաէներգիայի թանկացման դեմ և փակել էին Մարշալ Բաղրամյանի կենտրոնական պողոտան։

Տեղի ԶԼՄ–ների տվյալներով` ոստիկանության տարբեր բաժանմունքներ են տեղափոխվել «Գալա» հեռուստաընկերության, «Ազատություն ռադիոկայանի» հայկական ծառայության, «Հայկական ժամանակ» թերթի, «ՀԵՏՔ», news.am, panarmenian.net կայքերի լրագրողներ։

Ոստիկանության բաժանմունքներ են տարվել նաև ակցիայի հարյուրավոր  մասնակիցներ։

Իրավապահ մարմինները խոստանում են ավելի ուշ տեղեկատվություն տալ ձերբակալվածների թվի մասին։

Մամուլում տեղեկություններ կան նաև տուժածների մասին։ «Նովոստի–Արմենիա» գործակալությունը ճշտում է այդ տեղեկատվությունը։

Հունիսի 19–ին Երևանի Ազատության հրապարակում հայտարարվել է եռօրյա նստացույց, որի մասնակիցները երկուշաբթի երեկոյան երթով անցնել են դեպի նախագահական նստավայր և կանգնեցվել են ոստիկանության կողմից։ Ոստիկանները շարասյուներ են կազմել և ջրցան մեքենաներ կանգնեցրել նախագահական նստավայրից մի քանի մետր հեռավորության վրա։ Մի քանի ժամ դրանից առաջ Ոստիկանությունը նախազգուշացրել էր, որ իր լիազորությունների իրականացման ժամանակ իրավասու է ուժ և հատուկ միջոցներ կիրառել իրավախախտների նկատմամբ Փաստաթղթում ասվում է, որ ոստիկանության աշխատակիցների օրինական պահանջներին չենթարկվելու կամ նրանց դիմադրելու դեպքում երթը չի համարվի խաղաղ և կդադարեցվի օրենքով սահմանված կարգով։

Օսիպյանը մի քանի անգամ նախազգուշացրել է ակցիայի մասնակիցներին նրանց գործողությունների անօրինականության մասին: Նա մինչ այդ փոխանցել է ցուցարարներին Հայաստանի ոստիկանապետ Վլադիմիր Գասպարյանի ուղերձը երկրի նախագահ Սերժ Սարգսյանի` հինգ մարդուց բաղկացած խմբի հետ հանդիպելու և ստեղծված իրավիճակը քննարկելու պատասխանատվությունը: Սակայն ցուցարարները հրաժարվել են հանդիպումից` պահանջելով երկրի նախագահից անմիջապես չեղյալ հայտարարել էլեկտրաէներգիայի սակագների բարձրացման մասին որոշումը:

Հայաստանի Հանրային ծառայությունները կարգավորող հանձնաժողովը (ՀԾԿՀ) հունիսի 17–ին նիստին որոշում է կայացրել էլեկտրաէներգիայի նոր սակագներ սահմանելու մասին։ Որոշման համաձայն, էլեկտրաէներգիայի նոր սակագինը բնակչության համար կբարձրանա 6,93 դրամով` 1 կՎտ/ժ համար մինչև 48,78 դրամ ցերեկային ժամերին և մինչև 38,78 դրամ 1 կՎտ/ժ համար գիշերային ժամերին (բոլոր թվերը` ԱԱՀ հաշվի առնելով)։ Հաստատման դեպքում որոշումն ուժի մեջ կմտնի 2015թ.–ի օգոստոսի 1–ից։–0–