Ձերբակալվել է ՊԵԿ նախկին բարձրաստիճան պաշտոնյա՝ ձեռնարկատիրական գործունեությանն ապօրինի մասնակցելու մեղադրանքով ․ Հակակոռուպցիոն կոմիտե
08.08.2025,
12:16
Ձերբակալվել է ՊԵԿ նախկին բարձրաստիճան պաշտոնյա՝ ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով
ԵՐԵՎԱՆ, 8 օգոստոսի․/ԱՌԿԱ/․ Ձերբակալվել է ՊԵԿ նախկին բարձրաստիճան պաշտոնյա՝ ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով։
Այս տեղեկությունը «ԱՌԿԱ»–ին հայտնեց Հակակոռուպցիոն կոմիտեի մամուլի քարտուղար Մարինա Օհանջանյանը։
«Հաստատում ենք, որ Հակակոռուպցիոն կոմիտեում քննվող քրեական վարույթի շրջանակում ձերբակալվել է ՊԵԿ նախկին բարձրաստիճան պաշտոնյա՝ ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացման մեղադրանքներով», – ասաց Օհանջանյանը։
Հայկական ԶԼՄ–ները, մասնավորապես, «Արմենպրեսը», «Լուրերը» հայտնում են, որ խոսքը ՊԵԿ նախկին նախագահ Վարդան Հարությունյանի մասին է։
