Հայաստանում զգալիորեն խստացվել են չարտոնված փողոցային առևտրի տուգանքները

ԵՐԵՎԱՆ, 6 դեկտեմբերի. /ԱՌԿԱ/. Հայաստանի Ազգային ժողովը հինգշաբթի երկրորդ և վերջնական ընթերցմամբ ընդունեց Վարչական իրավախախտումների օրենսգրքի լրացումները, որոնք նախատեսում են տուգանքների խստացում չարտոնված փողոցային առևտրի համար:

Լրացումների համաձայն, առևտրի իրականացման տուգանքները չթույլատրված վայրերում 20-30 հազարի փոխարեն կհասնեն 50-70 հազար դրամի:

Առանց համապատասխան թույլտվության փողոցային առևտրի համար նախատեսվում է 10-70 հազար դրամի տուգանք՝ ներկայիս գործող մինչև 20 հազար դրամի փոխարեն:

Ինչպես օրինագիծը ներկայացնելիս հայտնեց Երևանի փոխքաղաքապետ Կամո Արեյանը, լրացումների կատարման անհրաժեշտությունը պայմանավորված է ներկայիս օրենսդրությամբ նախատեսված պատժամիջոցների անարդյունավետությամբ:

«Եթե խոսենք Երևանում գրանցված վիճակագրության մասին, ապա 2012 թվականի 11 ամիսներին կազմվել է փողոցային առևտրի խախտումների ավելի քան 3360 ակտ: Նմանատիպ պատկեր է նկատվում նաև մարզերում»,- ասաց նա` համոզմունք հայտնելով, որ օրենսդրության խստացումը թույլ կտա նվազեցնել այդ ցուցանիշը: -0