ՀՀ վարչապետը հանձնարարել է ոստիկանությանը քաղաքացիների համար տեղեկատվական հոլովակ պատրաստել Երևանի փողոցներում գործող ռադարների գործողության մասին
ԵՐԵՎԱՆ, 4 հոկտեմբերի. /ԱՌԿԱ/. Հայաստանի վարչապետ Տիգրան Սարգսյանը հինգշաբթի կառավարության նիստում Հայաստանի Ոստիկանապետին հանձնարարեց հեռուստատեսային հոլովակ պատրաստել` Երևանի փողոցներում ռադարների աշխատանքների վերաբերյալ ամբողջական տեղեկություն տրամադրելու համար։
«Վատ չէր լինի բացատրել քաղաքացիներին, թե ինչպես են աշխատում այդ սարքերը, որտեղ են տեղադրվում»,– ասել է Տիգրան Սարգսյանը։
Ըստ նրա, այսօր շատ կարևոր է հայ քաղաքացիներին հավաստիացնել, որ այդ սարքերը ճշգրիտ են աշխատում, սերտիֆիկացված են և ճիշտ տեղերում են տեղադրված։
Կառավարության ղեկավարը նշեց նաև, որ անհրաժեշտ է քաղաքացիներին լիակատար տեղեկություն տալ և համագործակցել նաև հասարակական կազմակերպությունների հետ, որոնք նույնպես հարցեր են բարձրացնում։
Հայաստանի ոստիկանապետ Վլադիմիր Գասպարյանն իր հերթին նշեց, որ նմանատիպ հոլովակ արդեն եթեր է հեռարձակվել մի քանի օր առաջ և կրկին կցուցադրվի։
Նա նշեց նաև, որ Ոստիկանությունն արդեն իրազեկել է հասարակական կազմակերպություններին։
Չորեքշաբթի Հայաստանի վարչապետ Տիգրան Սարգսյանը, պատասխանելով պատգամավորների հարցերին կառավարության ժամի ընթացքում, ասաց, որ Երևանի փողոցներում տեղադրված ռադարների և տեսախցիկների աշխատանքում անճշտություններ չկան։
Ներկայում Երևանի խոշոր փողոցներում և խճուղիներում տեղադրված է 15 արագաճաչ, ինչպես նաև 40 տեսախցիկ` մայրաքաղաքի 10 խոշորագույն խաչմերուկներում։-0-
