Հռոմի պապը մեդալ է ուղարկել իր դիմանկարը պատրաստած հեղինակին
28.10.2016,
14:36
Հռոմի Ֆրանցիսկոս պապը մեդալ է ուղարկել աշխարհում պոնտիֆիկոսի ամենափոքր դիմանկարի հեղինակին։
ԵՐԵՎԱՆ, 28 հոկտեմբերի. /ԱՌԿԱ/. Հռոմի Ֆրանցիսկոս պապը մեդալ է ուղարկել աշխարհում պոնտիֆիկոսի ամենափոքր դիմանկարի հեղինակին։
«Մայր Աթոռ Սուրբ Էջմիածնից ինձ անսպասելի նվեր են փոխանցել Հռոմի Ֆրանցիսկոս պապից` իր ստորագրությամբ մեդալ»,– Facebook–ի իր էջում գրել է աշխատանքի հեղինակ Էդուարդ Տեր–Ղազարյանը։
Ամենայն Հայոց Գարեգին Բ կաթողիկոսը հունիսին պոնտիֆիկոսի` Հայաստան կատարած այցի շրջանակում Հռոմի պապին է նվիրել պոնտիֆիկոսի ամենափոքր դիմանկարը։ Ֆրանցիսկոս պապի 1 միլիմետրանոց դիմանկարը փորագրվել է սաթի բեկորի վրա։ Աշխատանքի հեղինակն աշխարհահռչակ մանրանկարիչ Էդուարդ Տեր–Ղազարյանի թոռն է։ -0-
