Կառավարության որոշմամբ վերացվել են ռազմական դրության շրջանակում գործող որոշ սահմանափակումներ
ԵՐԵՎԱՆ, 2 դեկտեմբերի./ԱՌԿԱ/. Կառավարության որոշմամբ, Հայաստանում դեկտեմբերի 2-ից վերացվում են գործող որոշ սահմանափակումները:
Որոշման տեքստի համաձայն, որը հրապարակվել է կառավարության կայքում, Հայաստանի Հանրապետության կառավարության 2020 թվականի սեպտեմբերի 27-ի «Հայաստանի Հանրապետությունում ռազմական դրություն հայտարարելու մասին» N 1586-Ն որոշման հավելվածի 3-րդ, 4-րդ գլուխները, ինչպես նաև 15-րդ կետն ուժը կորցրած ճանաչել: Սույն որոշումն ուժի մեջ է մտնում հրապարակվելուց հետո` անմիջապես:
«Հայաստանի Հանրապետությունում ռազմական դրություն հայտարարելու մասին» կառավարության որոշման մեջ կատարվել են հետևյալ փոփոխությունները՝
-
Վերացվում է հավաքների, գործադուլների կազմակերպման և մասնակցելու արգելքը:
-
Վերացվում է հրապարակումների և հաղորդումների սահմանափակումների արգելքը:
-
Վերացվում են ՀՀ տարածք հատուկ մուտքի և ելքի ռեժիմն ու սահմանափակումները։
