Ռուսաստանում որոշել են արգելել ինքնաթոր օղու վաճառքը

ԵՐԵՎԱՆ, 17 դեկտեմբերի. /ԱՌԿԱ/. Հրեական ինքնավար մարզի Օրենսդիր ժողովի պատգամավորներն առաջարկել են արգելել սամոգոնի վաճառքը և հետագա իրացման համար դրա պատրաստումը: Ներկա պահին ռուսական օրենսդրության մեջ նման արգելող միջոց չկա, այսօր գրում է «Ռոսիյսկայա գազետան»:

Միակ պատժամիջոցը, որը նախատեսված է ինքնաթոր օղի արտրադրողների նկատմամբ պատիժն է առանց արտոնագրի առևտրի համար: Մարզի  պատգամավորները մտադիր են ուղղել իրավիճակը, որը նպաստում է բնակչության ալկոհոլացմանը:

Օրենսդիրներն առաջարկել են հստակ սահմանում տալ «ինքնաթոր օղի»  հասկացությանը, որպեսզի «թշնամուն դեմքով ճանաչեն»:  Օրենսդրական ժողովի ներկայացուցիչների վարկածով` ինքնաթոր օղին «տարեկան արտադրանքի ծավալով ավելի քան 18 տոկոս էթիլային սպիրտի պարունակությամբ սպիրտային խմիչք է, որը ստանում են սառեցման, թորման ճանապարհով կամ հացահատիկի, կարտոֆիլի, բազուկի, շաքարավազի և այլ հումքի խմորումից ստացված արտադրանքից ալկոհոլային զանգվածի, ինչպես նաև ոչ արդյունաբերական արտադրության սպիրտ պարունակող հեղուկների առանձնացման այլ միջոցով»: Թույլ ալկոհոլային խմիչքները, որոնք պատրաստվել են տնային պայմաններում, տվյալ կատեգորիայում որոշվել է չներառել:

Օղի թորողների համար, որոնք զբաղվում են վաճառքի համար խմիչքի արտադրությամբ, նախատեսված են խիստ պատժամիջոցներ` 3-5 հազար ռուբլու չափով տուգանք` ապրանքի և սարքավորման բռնագրավմամբ:

Մեկնաբանելով պատգամավորների առաջարկը` Ալկոհոլի դաշնային և տարածաշրջանային շուկաների հետազոտությունների կենտրոնի տնօրեն Վադիմ Դրոբիզը հայտարարել է, որ օրենքը կարող է խթանել ոչ վաճառքի համար անհատական թորման  զարգացմանը, սակայն թունդ խմիչքների օգտագործման նվազման վրա, որոնք պատրաստվել են տնային պայմաններում, դա չի անդրադառնա:

Ըստ փորձագետների գնահատականների` թորած օղին ալկոհոլի ոչ պաշտոնական շուկայի հատվածում զբաղեցնում է շուկայի շուրջ մեկ քառորդը, ևս այդքանը բաժին է հասնում դեղատնային թուրմերին, իսկ 40 տոկոս մասնաբաժինը կազմում են տեխնիկական հեղուկները: -0-