Սամվել Կարապետյանի նկատմամբ խափանման միջոց է կիրառվել տնային կալանքը և գրավ
ԵՐԵՎԱՆ, 30 դեկտեմբերի․/ԱՌԿԱ/․ «Տաշիր գրուպ» ընկերությունների խմբի նախագահ Սամվել Կարապետյանի նկատմամբ խափանման միջոց է կիրառվել տնային կալանքը և գրավ: Այդ մասին հայտնել է փաստաբան Արամ Վարդևանյանը:
«Քննության առնելով մեր միջնորդությունը՝ դատարանը որոշեց այն բավարարել մասնակի` կիրառելով Սամվել Կարապետյանի նկատմամբ կրկին ինտենսիվ խափանման միջոց տնային կալանք և գրավ»,- գրել է Վարդևանյանը Facebook-յան իր էջում։
Սամվել Կարապետյանի քրեական հետապնդման մասին
Սամվել Կարապետյանը կալանքի տակ է գտնվում հունիսի 18-ից. նա մեղադրվում է իշխանությունը զավթելու հրապարակային կոչերի մեջ: Դա տեղի ունեցավ այն բանից հետո, երբ Կարապետյանը՝ Ամենայն հայոց կաթողիկոս Գարեգին Երկրորդի հետ հանդիպումից հետո, հայտարարեց, որ միշտ եղել է Հայ Եկեղեցու և հայ ժողովրդի կողքին, և եթե քաղաքական գործիչները հաջողության չհասնեն, ապա «մենք պատրաստ ենք մեր ձևով մասնակցել այդ ամենին»: Ավելի ուշ նրան մեղադրանք առաջադրվեց նաև տնտեսական բնույթի հանցագործություններ կատարելու համար (առանձնապես խոշոր չափերով հարկերից խուսափում և փողերի լվացում): Կարապետյանը չի ընդունում իրեն առաջադրված մեղադրանքների բոլոր դրվագները։
