Շուրջ 15 հազար դիմորդներ մասնակցել են Հայաստանի ՄՊՔ–ին 2013 թ.–ին

ԵՐԵՎԱՆ, 17 հուլիսի. /ԱՌԿԱ/. Մոտ 15 հազար մարդ մասնակցել է Հայաստանի Միասնական պետական քննություններին 2013 թվականին, չորեքշաբթի լրագրողներին հայտնեց Հայաստանի Գնահատման և թեստավորման կենտրոնի նախագահ Գագիկ Մելիքյանը։

Հայաստանում ՄՊՔ է անցկացվել 10 առարկաներից` ռուսաց լեզու, հայոց լեզու և գրականություն, աշխարհագրություն, ընդհանուր պատմություն, մաթեմատիկա, օտար լեզու, ֆիզիկա, քիմիա, կենսաբանություն, Հայոց պատմություն։

«Այս տարի հունիսի 1-21–ն անցկացված ՄՊՔ–ի առաջին փուլին մասնակցել է շուրջ 15 հազար դիմորդ։ Դրանցից 1302 մարդ ընդունվել է անվճար, իսկ 9095–ը` վճարովի բաժիններ։ Անվճար բաժիններ ընդունված 97 դիմորդները արտոնյալ են»,– ասաց Մելիքյանը։

Ըստ նրա` դրանց թվին են պատկանում անձինք, ովքեր ընդունվել են սեփական քննություններ անցկացնող բուհեր։ Միաժամանակ, 2500 դիմորդներ չեն հավաքել ընդունման համար անհրաժեշտ միավորներ։

Միաժամանակ, շուրջ 600 մարդ բուհ է ընդունվել հուլիսի 2-8–ն անցկացվող ԵՊՀ երկրորդ փուլի արդյունքներով։

Մելիքյանը նշեց նաև, որ համալսարաններում թափուր տեղեր են մնացել բնական գիտությունների ֆակուլտետներում, մինչդեռ հումանիտար ֆակուլտետներում ազատ տեղեր չկան։

«ՄՊՔ առաջին փուլում դրական գնահատականներ ստացած դիմորդները, որոնք չեն անցել մրցույթով, կարող են թափուր տեղերի հայտեր ներկայացնել բուհերում` մասնակցելով թափուր տեղերի մրցույթին հուլիսի 15-20–ը»,– պարզաբանեց Մելիքյանը։ -0-