Սլովակիան ԿԽՄԿ–ի միջոցով 25 հազար եվրո է փոխանցել Արցախին` որպես հումանիտար օգնություն

ԵՐԵՎԱՆ, 13 հոկտեմբերի./ԱՌԿԱ/. Սլովակիայի արտգործնախարարությունն Արցախին է փոխանցել 25 հազար եվրո` որպես հումանիտար օգնություն, գրել է Արցախի օմբուդսմեն Արտակ Բեգլարյանը Twitter–ի իր էջում։
Շնորհակալություն հայտնելով Սլովակիային աջակցության համար` Բեգլարյանը նշել է, որ միջոցները հատկացվել են Կարմիր Խաչի Միջազգային Կոմիտեի միջոցով և կօգտագործվեն բժշկական սարքավորումներ և պարագաներ ձեռք բերելու համար։–0–