Ուսումնա-արտադրական բազա կստեղծվի Հայաստանի ազգային ագրարային համալսարանի Ստեփանակերտի մասնաճյուղում

ԵՐԵՎԱՆ, 10 հուլիսի. /ԱՌԿԱ/. Հայաստանի կառավարությունը հինգշաբթի նիստում որոշում ընդունեց որպես համաֆինանսավորում 40 մլն դրամ ուղղել Ստեփանակերտում Հայաստանի ազգային ագրարային համալսարանի մասնաճյուղի ուսումնա-արտադրական բազայի ստեղծմանը։

Ինչպես հայտնեց Հայաստանի կրթության և գիտության նախարար Արմեն Աշոտյանը, միջոցները կուղղվեն համալսարանի Ստեփանակերտի մասնաճյուղի օժանդակությանն ու հետագա զարգացմանը։

«Տրամադրած միջոցներով կստեղծվի ուսումնա-արտադրական և փորձարարական բազա, որը թույլ կտա խթանել Լեռնային Ղարաբաղի Հանրապետության գյուղատնտեսության զարգացումը, ապահովել երիտասարդ կադրերի պատրաստումը»,– ասաց Աշոտյանը։ ($1 – 407,42 դրամ)։ –0—