Երևանի որոշ փողոցներ հունիսի 4-6–ը գերբեռնված կլինեն ասֆալտապատման աշխատանքների պատճառով
04.06.2013,
15:10
Երևանի որոշ փողոցներ հունիսի 4-6–ը գերբեռնված կլինեն ասֆալտապատման լայնածավալ աշխատանքների պատճառով, հայտնում է Հայաստանի Ճանապարհային ոստիկանությունը։
ԵՐԵՎԱՆ, 4 հունիսի. /ԱՌԿԱ/. Երևանի որոշ փողոցներ հունիսի 4-6–ը գերբեռնված կլինեն ասֆալտապատման լայնածավալ աշխատանքների պատճառով, հայտնում է Հայաստանի Ճանապարհային ոստիկանությունը։
Երևան քաղաքում իրականացվող ծավալուն ասֆալտապատման աշխատանքների հետ կապված՝ հունիսի 4-ին, 5-ին և 6-ին քաղաքացիներին խորհուրդ է տրվում շրջանցել Հերացի և Մյասնիկյան փողոցները հետևյալ ուղղություններով` դեպի Ազատության պողոտա, դեպի Կոմիտաս, Դավիթ Անհաղթ և Ռուբինյանց փողոցներ,
դեպի Դավիթ Բեկ փողոց:
«Պատճառված անհանգստության համար հայցում ենք ձեր ներողամտությունը»,– ասվում է հաղորդագրությունում։ -0-
