Երևանում չջեռուցվող դպրոց չի լինի. ՀՀ վարչապետ

ԵՐԵՎԱՆ, 29 նոյեմբերի. /ԱՌԿԱ/. Երևանի բոլոր դպրոցները կապահովվեն ջեռուցմամբ, հինգշաբթի կառավարության նիստի ժամանակ ասաց ՀՀ վարչապետ Տիգրան Սարգսյանը:

Նիստի ընթացքում որոշում է կայացվել, որի համաձայն, ջեռուցմանը միացել է մայրաքաղաքի ևս երկու դպրոց:

«Այսպիսով, մինչև տարեվերջ Երևանում չջեռուցվող դպրոց չի լինի»,- ասաց վարչապետը:

Նա նշեց, որ դրանով իսկ կկատարվի ՀՀ նախագահի հանձնարարականը:

Երևանում գործում է 191 միջնակարգ դպրոց, ինչպես նաև 3 մասնագիտական դպրոց: Հանրակրթական դպրոցների աշակերտների թիվը կազմում է ավելի քան 104 հազար: -0-