Մարտի 19-ին նախատեսված հիմնական միջոցառումների ծանուցում

10.00 -    Գերմանիայի միջազգային համագործակցության (GIZ) ընկերության գրասենյակում (Բաղրամյան 4/1` Գրողների միության շենքի դիմաց) կկայանա Հայաստանի` 2012-2015 թվականների հեռանկարային զարգացման ռազմավարական ծրագրի նախագծի վերաբերյալ նիստ։

11.00 -    Համաշխարհային բանկի գրասենյակ, Լուսավորիչ 9, 6–րդ հարկ, բիզնեսի ներկայացուցիչները կքննարկեն երկրի գովազդային շուկայում տիրող իրավիճակը, հանդիպումը կազմակերպված է ՀԱԳՄ–ի և Ամերիկյան պալատի միջև։

11.00 -    «Զարկերակ» ակումբում ԻԿՕՄՕՍ-Հայաստանի նախագահ Գագիկ Գյուրջյանի և ՀՀ ԱԺ պատգամավոր Արագած Ախոյանի ասուլիսը, Արևմտահայաստանում մշակութային կոթողների պահպանությունն ու պետության բացթողումները: Երևան-Վան ուղիղ չվերթի բացումը որքանով կարող է նպաստել ինչպես հայ-թուրքական, այնպես էլ Թուրքիայում հայկական մշակույթի պահպանության գործում թեմայով։

11.00 -    «Արմատ» ակումբում Վրաստանի հարցերով փորձագետ Ալիկ Էրոյանցը և ադրբեջանագետ Սարգիս Ասատրյանը կխոսեն Ադրբեջան- Հայաստան ռազմավարական փոխհարաբերությունների զարգացման, Վրաստանի ռազմավարական գործընկեր Ադրբեջանի Վրաստանին ուղղված մեղադրանքի, Ալասանիայի այցի և այլ մանրամասների մասին:

11.00 -    «Ֆորում» ակումբում հետընտրական իրավիճակի և հնարավոր արտաքին մարտահրավերների շուրջ կխոսի ՀՀ պաշտպանության նախկին փոխնախարար Վահան Շիրխանյանը։

12.00 –«Արմատ» ակումբում Աջակցություն ինքնորոշված Արցախին (հիմնված Ֆրանսիայի Ալֆորտվիլ համայնքում) հիմնադրամի Հայաստանյան մասնաճյուղի տնօրեն, ազատամարտիկ Մկրտիչ Տոնոյան և Քաշաթաղում վերջերս հաստատված սիրիահայը կխոսեն ԱՐցախի Քաշաթաղի շրջանում հաստատված սիրիահայերի ընտանիքներին տրամադրվող օգնություններից, թե քանի ընտանիք են որոշել հաստատվել, և Արցախի վերաբնակեցման ինչպիսի այլ ծրագրեր կան:

12.00 –«Վարկած» ակումբի հյուրերն են ՀՀ ճանապարհային ոստիկանության պետի տեղակալ, գնդապետ Հայկ Սարգսյանը և Հայաստանի ավտոմոբիլային ֆեդերացիայի նախագահ Մկրտիչ Պիլտոյանը: Թեման՝ Երթևեկության հետ կապված հրատապ հարցերը։

12.00 -    ՀՀ մշակույթի նախարարությունում տեղի կունենա մամուլի ասուլիս նվիրված «Երևանյան հեռանկարներ» երաժշտական միջազգային փառատոնի 14-րդ համերգաշրջանի բացմանը և Վիեննայի ֆիլհարմոնիկ նվագախմբի հայաստանյան համերգին։

12.00 –«Հենարան», կանաչների միության նախագահ Հակոբ Սանասարյանը կխոսի Բնապահպանության նախարարության գործունեությունից, ոլորտին առնչվող ՄԻՊ զեկույցի, մասնավորապես Թեղուտի խնդրի շուրջ։

13.00 -    «Արմատ», ալերգոլոգ Աստղիկ Բաղդասարյանը կխոսի գարնանային ալերգիաների, փոքրիկների, տարեց մարդկանց և խրոնիկական հիվանդություններ ունենալու դեպքում ամենավտանգավոր ալերգիաների ու դրանցից պաշտպանվելու մասին։

13.00 -    «Հայելի», պատգամավոր Անահիտ Բախշյան: Թեմա՝ միասնական քննություններին ընդառաջ։

13.00 –«Ելակետ» ակումբի ասուլիսի թեման է «Անժամկետ նստացույց ԵՊՀ-ի դիմաց. պահանջներ, դիրքորոշումներ, արդյունքներ»: Բանախոսներն են «Երիտասարդական ընդվզում» շարժման ներկայացուցիչներ, շաբաթներ առաջ հայտարարած դասադուլի կազմակերպիչներ Լիլիթ Հարությունյանը և Արման Ալեքսանյանը

13.00 -    «Հայացք» ակումբի հյուրերն են քաղաքագետներ Երվանդ Բոզոյանը և Ստեփան Գրիգորյանը: Թեման՝ «Ներքաղաքական առկա իրավիճակը, հեռանկարներ, ավագանու առաջիկա ընտրությունները»։

13.00 -    Գերմանիայի միջազգային համագործակցության (GIZ) ընկերության գրասենյակում (Բաղրամյան 4/1` Գրողների միության շենքի դիմաց) կկայանա մարդկային կապիտալի, առողջապահության և կրթության հարցերով ճյուղային խմբի նիստը` Հայաստանի` 2012-2015 թվականների հեռանկարային զարգացման ռազմավարական ծրագրի նախագծի շրջանակներում։