«ՀԿԵ» գլխավոր տնօրենը պարգևատրվել է կին աշխատակիցներին Մարտի 8-ի կապակցությամբ

ԵՐԵՎԱՆ, 5 մարտի. /ԱՌԿԱ/. Կանանց միջազգային տոնի` Մարտի 8-ի կապակցությամբ «Հաավկովկասյան երկաթուղի» ընկերության գլխավոր տնօրեն Վիկտոր Ռեբեցը այսօր պարգևատրել է  կանանց, որոնք մեծ հաջողությունների են հասել իրենց գործունեության ոլորտում, հաղորդում է ընկերության մամուլի ծառայությունը։

Ընկերության ղեկավարը նշել է, որ կանայք միայն ¼-րդն են կազմում երկաթուղու մեծ՝ ավելի քան 4 հազարանոց կոլեկտիվում:

«Չնայած այս փոքր թվին՝ կանայք առանձնանում են բարձր պատասխանատվությամբ, նրանք ակտիվ են, ստանում են լրացուցիչ կրթություն, զբաղեցնում են ղեկավար պաշտոններ: ՀԿԵ-ի 583 կին աշխատողներից 24-ը տարբեր մակարդակների ղեկավարներ են: Սակայն այս օրը պատմության մեջ կմտնի նաև այն հանգամանքով, որ մեր երկաթուղում առաջին անգամ կայարանապետ է նշանակվել կինը, - ասել է Վիկտոր Ռեբեցը:

Նա հայտարարել է, որ Անուշ Հակոբյանը նշանակվել է վերջերս վերանորոգված և Հայաստանի Հանրապետության վարչապետ Տիգրան Սարգսյանի մասնակցությամբ հանդիսավոր բացված «Թումանյան» կայարանի պետ:

ՀԿԵ» ՓԲԸ գլխավոր տնօրենը պատվոգրեր և շնորհակալագրեր, նվերներ և դրամական պարգևներ  է հանձնել 34 աշխատակցուհիներին:

Երկաթուղու ևս երկու կին աշխատողներին տրամադրվել էր անձնական օգնություն: ՀԿԵ-ն որոշում է ընդունել մեկ տարվա ուսման վարձը վճարել Սևանի ուղեմասում աշխատող Անահիտ Հովհաննիսյանի երկու երեխաների համար, ում տիկին Անահիտը որդեգրեց Սպիտակի երկրաշարժից հետո:

Մարտի 8-ի կապակցությամբ նվերներ են ստացել նաև երկթուղու 6 կին-վետերաններ:

«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերություն և իրականացնում է «Հայկական երկաթուղիներ» ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով:--0--