Ամերիաբանկի մանրածախ վարկային պորտֆելը 2016 թ.–ին ավելացել է 28%–ով` մինչև 57 մլրդ դրամ
Նրա խոսքով, աճը պայմանավորված էր առավելապես վարկավորման այն ուղղությունների հաշվին, որոնք բանկի համար կարևոր են ռազմավարական տեսակետից։
«Մասնավորապես, փոքր և միջին բիզնեսի վարկավորման գծով բանկի վարկային պորտֆելն ավելացել է 80 տոկոսով և կազմել 12,9 մլրդ դրամ, ինչը հատկապես կարևոր է 2016 թ.–ին Հայաստանում գրանցված համեմատաբար համեստ տնտեսական աճի ֆոնին», – ասաց Բարսեղյանը։
Նա նաև նշեց, որ հատկապես փոքր և միջին բիզնեսի ոլորտում գրանցված աճը բավականին դրական արդյունք է բանկի համար։ Բարսեղյանը նաև ընդգծեց, որ անհրաժեշտ է պահպանել աճի նման տեմպերը 2017 թ.–ի ընթացքում։
«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և 2007թ-ից տրամադրում է նորարարական բանկային ծառայությունների լայն տեսականի:–0–
