«ՀԿԵ» ՓԲԸ երկու աշխատակիցներն արժանացել են ԱՊՀ երկրների երկաթուղային տրանսպորտի հարցերով խորհրդի պատվոգրերին

ԵՐԵՎԱՆ, 27 նոյեմբերի. /ԱՌԿԱ/. «Հարավկովկասյան երկաթուղի» ՓԲԸ երկու աշխատակիցները Քիշնևում նոյեմբերի 19-20-ին կայացած ԱՊՀ երկրների երկաթուղային տրանսպորտի հարցերով խորհրդի 59-րդ նիստի ժամանակ արժանացել են խորհրդի պատվոգրերին, հաղորդում է ընկերության մամուլի ծառայությունը։

Պատվոգրերը շնորհվել են «ՀԿԵ» ՓԲԸ Տեղեկատվահաշվողական կենտրոնի արտադրական բաժնի պետ Նելլի Շուշանյանին ու վիճակագրության և վերլուծության բաժնի պետ Արմեն Առաքելյանին՝ փոխադրման գործընթացում երկաթուղիների համագործակցության և համատեղ աշխատանքի ամրապնդման ունեցած ներդրման, առաջադեմ տեխնոլոգիաների ներդրման և միջազգային հաղորդակցությունում երկաթուղային տրանսպորտի արդյունավետ աշխատանքի ապահովման համար:

«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի 100% դուստր ընկերություն և իրականացնում է «Հայկական երկաթուղիներ» ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով: -0-