Ամերիաբանկը ներկայացրել է հիփոթեքի աննախադեպ պայմաններ TOON EXPO ցուցահանդեսում
ԵՐԵՎԱՆ, 5 սեպտեմբերի․/ԱՌԿԱ/․ Հատուկ TOON EXPO անշարժ գույքի ցուցահանդեսի այցելուների համար Ամերիաբանկն առաջարկում է հիփոթեքի աննախադեպ պայմաններ։
«Հատուկ TOON EXPO-ի այցելուների համար Ամերիբանկն առաջարկում է վարկավորման հատուկ պայմաններ սեպտեմբերի 5-ին, 6-ին և 7-ին. միայն էքսպոյի Ամերիաբանկի տաղավարի այցելուներին Ամերիաբանկը կտրամադրի հիփոթեքային վարկեր 12% անվանական տոկոսադրույքով (փաստացի տոկոսադրույք՝ 12.67%)», – հայտարարել է Ամերիաբանկի երկարաժամկետ բանկային ծառայությունների թրայբի ղեկավար Վահրամ Գևորգյանը։
Նրա խոսքով՝ Ամերիաբանկը TOON EXPO-ին մասնակցում է որպես հիփոթեքային շուկայի առաջատար՝ մեծ թիմով և գործիքակազմի լայն տեսականիով։
«Մենք ոչ միայն առաջարկում ենք առաջարկներ նրանց համար, ովքեր ցանկանում են անշարժ գույք ձեռք բերել Հայաստանում, այլև նպաստում ենք շուկայի կայուն զարգացմանը», - ասաց Գևորգյանը՝ նշելով, որ Հայաստանի անշարժ գույքի շուկան կայունացել է և շարունակում է գրավիչ մնալ։
Ամերիաբանկը հիփոթեքային վարկերի պորտֆելի ծավալով պահպանում է առաջատարի դիրքը Հայաստանի բանկային համակարգում՝ 22.6% շուկայի մասնաբաժնով (30.06.2025 թ․): 2025թ․ առաջին 6 ամսում բանկի հիփոթեքային վարկերի պորտֆելն աճել է 12.3 մլրդ դրամով` 30.06.2025-ի դրությամբ կազմելով ավելի քան 360 մլրդ դրամ:
Ամերիաբանկի մասին
Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը: Թվային փոխակերպման ռազմավարության ներքո՝ Բանկը ներդնում և շարունակաբար կատարելագործում է շուկայում եզակի պրոդուկտներ, ծառայություններ և նորարարական հարթակներ, որոնք միտված են բավարարելու մարդկանց ֆինանսական և ոչ ֆինանսական կարիքները։
Ամերիաբանկը, որպես դինամիկ զարգացող ֆինթեք միջավայր, առաջարկում է կյանքի որակը բարելավող ամբողջական լուծումներ:
Բանկը վերահսկվում է ՀՀ Կենտրոնական բանկի կողմից:
