Bacon Product–ն ավելի քան 6մլրդ դրամ կներդնի ՀՀ–ում մսամթերքի արտադդության մեջ
ԵՐԵՎԱՆ, 19 ապրիլի․/ԱՌԿԱ/․ Bacon Product ընկերությունը մտադիր է Հայաստանում իրականացնել 6,55մլրդ դրամ ներդրումային ծրագիր։
Կառավարությունը նախօրեին «Bacon Product» ՍՊԸ–ին ազատել է մաքսատուրքից ներդրումային ծրագրի շրջանակում։
Ծրագրի շրջանակում նախատեսվում է իրականացնել 2.55 մլրդ դրամի ներդրում հումքի ձեռքբերման, 1 մլրդ դրամի ներդրում հիմնական միջոցների ձեռքբերման և 3 մլրդ դրամի ներդրում գործարանի կառուցման համար։
Ներկայումս առկա է 426 աշխատատեղ՝ 207 հազ դրամ միջին ամսական աշխատավարձով։ Ներդրումային ծրագրի շրջանակներում մինչև 2027 թ. աշխատատեղերի թիվը նախատեսվում է հասցնել մինչև 526-ի՝ 257 հազ դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 2.55 մլրդ դրամ: Մաքսատուրքից ազատման արտոնությունը գնահատվում է 382. 5 մլն դրամ:
«Bacon Product» ՍՊԸ–ը հիմնադրվել է 1995թ․–ին և զբաղվում է մսամթերքի և սննդամթերքի կիսաֆաբրիկատների արտադրությամբ։
