«Չանախ» ընկերությունը կաթնամթերքի արտադրության մեջ կներդնի մոտ 600 մլն դրամ
14.11.2025,
16:55
ՀՀ կառավարությունը ուրբաթ օրվա նիստում որոշել է ներմուծման դեպքում «Չանախ» ընկերությանը մաքսատուրքից ազատման արտոնություն տրամադրել
ԵՐԵՎԱՆ, 14 նոյեմբեր․/ԱՌԿԱ /. Ուրբաթ կայացած նիստում ՀՀ կառավարությունը որոշել է մաքսատուրքից ազատման արտոնություն տրամադրել «Չանախ» ընկերությանը, որը նախատեսում է ներմուծված հումքի միջոցով կաթնամթերքի արտադրության մեջ ներդնել ընդհանուր առմամբ 590 մլն դրամ։
Ներդրումային ծրագիրը ներառում է 120 մլն դրամի կապիտալ ներդրումներ, ինչպես նաև 470 մլն դրամի հումքի ձեռքբերման գնումներ։
Մինչև 2028 թվականը նախատեսվում է ստեղծել տասը նոր աշխատատեղ՝ 142 հազ դրամ միջին ամսական աշխատավարձով։
Մաքսատուրքից ազատումը գնահատվում է 70.5 միլիոն դրամ։
