Հայաստանն ընտրում է մոդուլային ԱԷԿ-ի մոդելը. նախարար
18.03.2026,
14:41
Շարունակվում են քննարկումները տարբեր երկրների և ընկերությունների հետ՝ նոր ատոմային բլոկի կառուցման վերաբերյալ
ԵՐԵՎԱՆ, 18 մարտի․/ԱՌԿԱ/․ Շարունակվում են քննարկումները տարբեր երկրների և ընկերությունների հետ՝ նոր ատոմային բլոկի կառուցման վերաբերյալ։
Այս մասին այսօր ՀՀ Ազգային ժողովում կայացած տնտեսական հարցերի մշտական հանձնաժողովի նիստում հայտնել է Տարածքային կառավարման և ենթակառուցվածքների նախարար Դավիթ Խուդաթյանը։
«Հայաստանի կառավարությունն արդեն ընտրել է ատոմակայանի տեսակը՝ մոդուլային։ Առաջիկա մեկ տարվա ընթացքում կամ 2027 թ.-ի սկզբին մենք կընտրենք մոդելը, որից հետո կանցնենք հաջորդ փուլին», - ասել է Խուդաթյանը։
