«Converse4Women»՝ համապարփակ աջակցություն Կոնվերս բանկի կին վարկառուներին

ԵՐԵՎԱՆ, 14 հունիսի./ԱՌԿԱ/. Կոնվերս Բանկը Վերակառուցման և զարգացման եվրոպական բանկի հետ կնքված վարկային պայմանագրի ներքո  ներգրավել է վարկային միջոցների հերթական տրանշը՝ 1  մլն դոլարին համարժեք դրամի չափով՝ «Converse4Women» փաթեթի շրջանակում ֆինանսավորում իրականացնելու համար, հաղորդում է Կոնվերս Բանկի մամուլի ծառայությունը:

Փաթեթի շրջանակում  իրականացվում է ինչպես սկսնակ /startup/, այնպես էլ գործող բիզնեսի ֆինանսավորում շրջանառու միջոցների համալրման, հիմնական միջոցների ձեռքբերման և կրեդիտորական պարտքի մարման նպատակով՝ մինչև 7 տարի ժամկետով, մրցունակ պայմաններով: Դրանից կարող են օգտվել կին անհատ ձեռնարկատերերը, իրավաբանական անձինք, ում առնվազն 50% բաժնետերերը կամ ուղղակի և անուղղակի մասնակցությամբ վերջնական շահառուները կանայք են:

Առևտրի, սպասարկման, արտադրության, տուրիզմի և գյուղատնտեսության ոլորտում բիզնեսով զբաղվող գործարարներին, ձեռնարկատերերին տրամադրվում է նաև անվճար ֆինանսական խորհրդատվություն, ինչպես նաեւ առաջարկվում են բանկային պրոդուկտներ՝ արտոնյալ պայմաններով:

Մասնավորապես, «Converse4Women»-ի  շրջանակում Բանկն առաջարկում է.

-Իրավաբանական անձ վարկառուների համար անվճար են ընթացիկ հաշիվների բացումը և վարումը, Ինտերնետ-Բանկ ծառայության տրամադրումը, առաջին տարվա համար՝ POS տերմինալներով վճարային քարտերի սպասարկումը և այլն:

-Ֆիզիկական անձ վարկառուների համար անվճար են խնայողական հաշվի բացումը և վարումը, փաթեթի գործողության ընթացքում մեկ Woman’s Card վճարային քարտի տրամադրումը և սպասարկումը: Իսկ մեկ Visa Classic, Visa Gold կամ Mastercard Gold վճարային քարտի տրամադրումը և սպասարկումը կիրականացվի 50% նվազեցված վճարով:

Մանրամասները՝  հետևյալ հղմամբ։

Բանկը վերահսկվում է ԿԲ կողմից:–0–