Ինեկոբանկը` «Իմ քայլը հանուն Շիրակի մարզի» ներդրումային-գործարար համաժողովի գլխավոր հովանավոր

ԵՐԵՎԱՆ, 22 հուլիսի. /ԱՌԿԱ/. Հուլիսի 20-ին Գյումրիում Ինեկոբանկի գլխավոր հովանավորությամբ տեղի ունեցավ «Իմ քայլը հանուն Շիրակի մարզի» ներդրումային-գործարար համաժողովը, հայտնում է բանկի մամուլի ծառայությունը։

Ինչպես նշվում է հաղորդման մեջ, համաժողովի նպատակն էր` համախմբել մարզի շարունակական ու կայուն տնտեսական աճին նպաստող կազմակերպություններին մեկ վայրում և քննարկել հնարավոր համագործակցության միտումները։

Ինեկոբանկը, նաև ունեցավ իր ակտիվ մասնակցությունը ֆորումի բոլոր փուլերում։

«Էքսպո» ցուցահանդեսին Բանկը ներկայացրեց բիզնեսի և անհատների համար անկանխիկ վճարումների նորարական լուծում՝ Ինեկոփեյը։ Վճարային լուծման ներդրումը Հայաստանում նպատակ ունի զարգացնելու անկանխիկ վճարումների մշակույթը՝ հնարավորություն տալով փոքր և միջին բիզնեսներին ընդունել անկանխիկ վճարումներ առանց հավելյալ ներդրումների և ինտեգրացիոն լուծումների, իսկ անհատները կարող են իրենց բոլոր քարտերը կցել Ինեկոմոբայլ հավելվածին, և ձեռքի տակ ունենալով միայն սմարթֆոն՝ կատարել գնումներ Ինեկոփեյով։

Գործարար համաժողովում ելույթ ունեցավ Ինեկոբանկի Զարգացման և մարքեթինգի գծով տնօրեն Ա. Նալթակյանը։ «Ինեկոբանկի համար խորհրդանշական է մասնակցել այս միջոցառմանը Շիրակի մարզում, քանի որ մեր ընկերության ընդլայնման առաջին քայլը սկսվել է հենց Գյումրիից․ այսօր՝ շուրջ 20 տարի անց, մենք հպարտորեն ենք խոսում բանկի կողմից իրականացված ֆինանսավորման ծրագրերի մասին, համագործակցում ենք մարզում կարևոր դերակատարում ունեցող բազմաթիվ ընկերությունների հետ՝ տեքստիլ արտադրությունից մինչև գյուղմթերքի խոշոր վերամշակողներ, մարզում վարկավորման ծավալներով ունենք առաջատար դիրքեր, ինչպես նաև` մարզի տնտեսապես ակտիվ բնակչության շուրջ 20% -ը հանդիսանում է Ինեկոբանկի հաճախորդ»,– նշեց նա։

Ինեկոբանկը հայկական կապիտալով ստեղծված ընկերություն է, որը, սկսելով բիզնեսը 5 աշխատակցով և 100,000 ԱՄՆ դոլար կապիտալով, այսօր 1,000 աշխատատեղ ապահովող և 110,000,000 դոլար կապիտալով կայուն զարգացող բիզնես է, որի հաջողության պատմությունը հիմնված է շատ պարզ բանաձևի վրա․ երբեք չսպասել հրաշքների այլ ստեղծել նորը, հարկ եղած դեպքում պայքարել և աշխատել՝ յուրաքանչյուրն իր տեղում ապահովելով առավելագույն արդյունք։  

Բանկը այսօր էլ պատրաստ է ֆինանսական ծառայություններ մատուցել և նպաստել Հայաստանում ցանկացած բիզնեսի և անհատի զարգացմանը, ով կիսում է հետևյալ գաղափարները՝ նպատակասլացություն, բարձր պատասխանատվություն և աշխատասիրություն։

«Ինեկոբանկ» ՓԲԸ-ը, հանդիսանալով Հարավային Կովկասի առաջատար բանկերից մեկը, մատուցում է համալիր բանկային, ինչպես նաև թվային բանկային ծառայություններ անհատներին, ՓՄՁ և խոշոր կազմակերպություններին։ Շուրջ 23 տարի բանկը տրամադրում է բարձրորակ բանկային ծառայություններ Հայաստանում՝ սպասարկելով ավելի քան 400 000 հաճախորդի, որոնցից մոտ 200 000-ին` թվային ուղիներով:

Իր գործունեության ընթացքում Ինեկոբանկը մշակել և մատուցել է ոլորտի առաջատար թվային բանկային լուծումներ՝ նպատակ ունենալով ներդնել ամբողջովին նոր բանկային ծառայություններ։ -0-