ScaleUp ինովացիոն ֆորումի նպատակն է ծանոթացնել Amazon Web Service–ը Հայաստանի շուկայի հետ. Շամցյան
ԵՐԵՎԱՆ, 31 հոկտեմբերի./ԱՌԿԱ/. Ամերիաբանկի Ինովացիաների և թվայնացման գծով տնօրեն Արտյոմ Շամցյանը չորեքշաբթի լրագրողների հետ զրույցում նշեց, որ ScaleUp ինովացիոն ֆորումի նպատակներից մեկն է ծանոթացնել Amazon Web Service–ը Հայաստանի շուկայի հետ։
Ամերիաբանկի և Amazon Web services-ի համագործակցության շրջանակում Երևանում հոկտեմբերի 30–ին անցկացվել է ScaleUp ինովացիոն ֆորումը, որին մասնակցել են այնպիսի խոշորագույն ընկերությունների փորձագետներ, ինչպիսիք են AWS–ն, VISA–ն, Middleware–ը, Mambu–ն և Softprom–ը։
«Ֆորումի անցկացման գաղափարը ծագել է Ամերիաբանկում, և մենք հասկացանք, որ դա լավ գաղափար է` հրավիրել AWS–ին Հայաստան, քանի որ մենք ցանկանում ենք հաղորդակից լինել հաջորդ սերունդների տեխնիկական նորարարությունների հետ։ AWS–ը տրամադրում է մեծ փորձ, և մեր հիմնական գաղափարն է հրավիրել այդ ընկերությանը Հայայստան և ներկայացնել մեր շուկան», – ասաց Շամցյանը։
Նրա խոսքով, այս պահին Հայաստանում կան մի շարք օրենսդրական սահմանափակումներ ամպային հաշվարկների ոլորտում։
«Հարկավոր է բացատրել, որ այն ավելի ճկուն համակարգ է և մեծ վտանգ չի ներկայացնում երկրի համար։ Այս ֆորումը լավ հնարավորություն է, որպեսզի AWS–ին տեսնի, որ մեզ հետաքրքրում է նրանց ապրանքների տեսականին, որպեսզի բանկերը կարողանան հարցեր ուղղել այնպիսի թեմաներով, ինչպիսիք են ամպային հաշվարկները, մեքենայացված ուսուցումն ու արհեստական բանականությունը», – ասաց Շամցյանը` նշելով, որ այդ ուղղություններն ավելացնում են ընկերությունների մրցունակությունը։
Amazon Web Services–ն (AWS) աշխարհում մեծ տարածում գտած ամպային հարթակներից է, որն ունի բավականին լայն հնարավորություններ։ Amazon Web Services–ը տրամադրում է 165 բազմաֆունկցիոնալ ծառայություններ տվյալների մշակման կենտրոնների համար։ 2018թ.–ի արդյունքում, AWS ծառայությունից ստացված Amazon–ի տարեկան հասույթը կազմել է 25,6 մլրդ դոլար, իսկ մաքուր եկամուտը` 7,6 մլրդ դոլար։
«Ամերիաբանկ» ՓԲԸ–ն Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից տրամադրում է նորարարական բանկային ծառայությունների լայն տեսականի: 2018թ.–ի արդյունքում Ամերիաբանկը Հայաստանի բանկային հատվածի առաջատարն է բոլոր հիմնական ցուցանիշներով (ակտիվներ, պարտավորություններ, վարկային պորտֆել, մաքուր եկամուտ և կապիտալ)։–0–
