Հայաստանում միջին ամսական աշխատավարձը սեպտեմբերին աճել է 6,8%-ով և կազմել 279,3 հազ դրամ
ԵՐԵՎԱՆ, 22 նոյեմբերի․/ԱՌԿԱ/․ Միջին ամսական աշխատավարձը 2024 թվականի սեպտեմբերին կազմել է 279 279 դրամ՝ նախորդ տարվա նույն ժամանակահատվածի համեմատ աճելով 6,8 տոկոսով։ Այս մասին ասված է ՀՀ էկոնոմիկայի նախարարության «Հայաստան. տնտեսական հեռանկարներ. 2024 թվականի հունվար-սեպտեմբեր ամիսներին»։
Մասնավորապես, պետական հատվածում միջին աշխատավարձը 2024 թվականի սեպտեմբերին կազմել է 218 809 դրամ՝ 7,2 տոկոս աճով, մասնավոր հատվածում՝ 303 015 դրամ (աճը՝ 6,5 տոկոս)։
2024 թվականի 3 ամենաբարձր վարձատրվող ոլորտներն են՝
Տեղեկատվություն և կապ՝ 835.840 դրամ
Ֆինանսական և ապահովագրական գործունեություն՝ 809 417 դրամ
Հանքագործական արդյունաբերություն և բացահանքերի շահագործում՝ 478 763 դր։
Ուսումնասիրության մեջ նշվում է, որ 2023 թվականի սեպտեմբերի համեմատ միջին աշխատավարձի աճ է գրանցվել զբաղվածության բոլոր ոլորտներում՝ բացառությամբ տեղեկատվական և կապի արդյունաբերության, շինարարության և էլեկտրաէներգիայի, գազի, գոլորշու և օդորակման մատակարարումների։
Ամենաբարձր աճը գրանցվել է հետևյալ ոլորտներում՝ ֆինանսական և ապահովագրական գործունեություն (40,4%), գյուղատնտեսություն, անտառտնտեսություն և ձկնորսություն (13,5%) ինչպես նաև մշակող արդյունաբերություն (13,1%):
