2025 թ.-ին Հայաստանում պղնձի և մոլիբդենի խտանյութերի արտադրությունը նվազել է, իսկ ցինկի խտանյութինը՝ աճել

ԵՐԵՎԱՆ, 11 փետրվարի․/ԱՌԿԱ/․ Հայաստանում 2025 թվականին, 2024 թվականի համեմատ, պղնձի խտանյութի արտադրության ծավալները նվազել են 0,4%-ով՝ կազմելով 300 502,3 տոննա։ Այս մասին են վկայում Հայաստանի վիճակագրական կոմիտեի հրապարակած տվյալները։

Միևնույն ժամանակ, ցինկի խտանյութի արտադրությունն աճել է 10,5%-ով՝ հասնելով 11 608,0 տոննայի, իսկ մոլիբդենի խտանյութինը՝ նվազել 13,6%-ով՝ կազմելով 14 738,5 տոննա։

Անցյալ տարվա ընթացքում արտադրվել է նաև 2 980,5 տոննա ֆեռոմոլիբդեն, ինչը 33,6%-ով պակաս է նախորդ տարվա ցուցանիշից։