Հայաստանի տնտեսությունը 2024թ․–ին կշարունակի գտնվել նախորդ տարիների դրական էֆեկտների ազդեցության տակ․ ԿԲ նախագահ
15.11.2023,
13:02
Հայաստանի տնտեսական աճը 2024թ․–ին կշարունակի իր վրա զգալ նախորդ տարիներին ձևավորված դրական էֆեկտները, հայտարարեց ՀՀ ԿԲ նախագահ Մարտին Գալստյանը
ԵՐԵՎԱՆ, 15 նոյեմբերի․/ԱՌԿԱ/․ Հայաստանի տնտեսական աճը 2024թ․–ին կշարունակի իր վրա զգալ նախորդ տարիներին ձևավորված դրական էֆեկտները, հայտարարեց ՀՀ ԿԲ նախագահ Մարտին Գալստյանը։
«Գրանցված բարձր մակարդակը կարտացոլվի տնտեսության բոլոր հատվածներում։ Այնուամենայնիվ, տնտեսական աճի բարձր մակարդակ ապահովելու համար կարևոր կլինի խթանել արտահանումը և բարելավել ներդրումային միջավայրը։ Այն նաև կախված կլինի մեծ ներդրումային ենթակառուցվածքային նախագծերից և դրանց իրականացման ժամկետների պահպանումից», – ասաց նա՝ ներկայացնելով 2024թ․–ի պետբյուջեի վերաբերյալ կարգավորողի եզրակացությունը։
Բացի այդ, ԿԲ նախագահը նշեց, որ վարչարարության լավացման արդյունքում ակնկալվում է ՀՆԱ–ի նկատմամբ հարկերի հարաբերակցության զգալի բարելավում՝ 0,75%–ով, ինչի արդյունքում հարկերը կկազմեն ՀՆԱ–ի 24,4%–ը։ Նրա խոսքով, նման աճի ձեռք բերումը կապահովի ֆինանսական բարձիկների ստեղծում և թույլ կտա ավելի շատ ռեսուրսներ հատկացնել կապիտալ ծախսերին, որոնք ապահովում են երկարաժամկետ, կայուն տնտեսական աճ։
Գալստյանը նաև նշեց, որ 2024թ․–ին ակնկալվում է ՀՆԱ–ում կապիտալ ծախսերի մասնաբաժնի զգալի ավելացում՝ ՀՆԱ–ի մինչև 6,6%–ը, իսկ ընթացիկ ծախսերի մասնաբաժինը՝ ՀՆԱ–ի մինչև 22,1%–ը։
«Արդյունքում դրվել է ՀՆԱ–ի նկատմամբ բյուջեի պակասուրդի 3,2% հարաբերակցության նպատակ, ինչը բարձր է ինչպես նախորդ տարվա, այնպես էլ միջնաժամկետ ծախսերի ծրագրում ամրագրված ցուցանիշից», – ասաց նա՝ զգուշացնելով, որ դա կարող է հանգեցնել գնաճային ռիսկերի։
Գալստյանը նաև նշեց, որ պետբյուջեի նախագծում ամրագրված է ՀՆԱ–ի նկատմամբ պետական պարտքի 48,4%–անոց հարաբերակցության ավելացում, ինչը, այդուհանդերձ, ցածր է 50% նշաձողից, որը համարվում է անհրաժեշտություն պետական պարտքի կայուն վիճակի համար։
Եզրափակելով՝ Գալստյանը նշեց, որ չնայած 2024թ․–ի նախագիծը ենթադրում է ընդլայնվող պահանջարկ, ինչը կարող է պարունակել մակրոտնտեսական ռիսկեր, այդուհանդերձ փաստաթուղթն ընդգծում է կառավարության նպատակաուղղվածությունը ներդրումների աճի հարցում։
Հայաստանի 2024թ․–ի պետբյուջեի նախագծում եկամուտը նախատեսված է 2,8 տրիլիոն դրամի չափով, ծախսերը՝ 3,1 տրիլիոն դրամ, պակասուրդը՝ 341,1 մլրդ դրամ։ ՀՆԱ–ի աճի թիրախային ցուցանիշը մնում է 7%–ի մակարդակում (ինչպես 2023թ․–ին)։-0-
«Գրանցված բարձր մակարդակը կարտացոլվի տնտեսության բոլոր հատվածներում։ Այնուամենայնիվ, տնտեսական աճի բարձր մակարդակ ապահովելու համար կարևոր կլինի խթանել արտահանումը և բարելավել ներդրումային միջավայրը։ Այն նաև կախված կլինի մեծ ներդրումային ենթակառուցվածքային նախագծերից և դրանց իրականացման ժամկետների պահպանումից», – ասաց նա՝ ներկայացնելով 2024թ․–ի պետբյուջեի վերաբերյալ կարգավորողի եզրակացությունը։
Բացի այդ, ԿԲ նախագահը նշեց, որ վարչարարության լավացման արդյունքում ակնկալվում է ՀՆԱ–ի նկատմամբ հարկերի հարաբերակցության զգալի բարելավում՝ 0,75%–ով, ինչի արդյունքում հարկերը կկազմեն ՀՆԱ–ի 24,4%–ը։ Նրա խոսքով, նման աճի ձեռք բերումը կապահովի ֆինանսական բարձիկների ստեղծում և թույլ կտա ավելի շատ ռեսուրսներ հատկացնել կապիտալ ծախսերին, որոնք ապահովում են երկարաժամկետ, կայուն տնտեսական աճ։
Գալստյանը նաև նշեց, որ 2024թ․–ին ակնկալվում է ՀՆԱ–ում կապիտալ ծախսերի մասնաբաժնի զգալի ավելացում՝ ՀՆԱ–ի մինչև 6,6%–ը, իսկ ընթացիկ ծախսերի մասնաբաժինը՝ ՀՆԱ–ի մինչև 22,1%–ը։
«Արդյունքում դրվել է ՀՆԱ–ի նկատմամբ բյուջեի պակասուրդի 3,2% հարաբերակցության նպատակ, ինչը բարձր է ինչպես նախորդ տարվա, այնպես էլ միջնաժամկետ ծախսերի ծրագրում ամրագրված ցուցանիշից», – ասաց նա՝ զգուշացնելով, որ դա կարող է հանգեցնել գնաճային ռիսկերի։
Գալստյանը նաև նշեց, որ պետբյուջեի նախագծում ամրագրված է ՀՆԱ–ի նկատմամբ պետական պարտքի 48,4%–անոց հարաբերակցության ավելացում, ինչը, այդուհանդերձ, ցածր է 50% նշաձողից, որը համարվում է անհրաժեշտություն պետական պարտքի կայուն վիճակի համար։
Եզրափակելով՝ Գալստյանը նշեց, որ չնայած 2024թ․–ի նախագիծը ենթադրում է ընդլայնվող պահանջարկ, ինչը կարող է պարունակել մակրոտնտեսական ռիսկեր, այդուհանդերձ փաստաթուղթն ընդգծում է կառավարության նպատակաուղղվածությունը ներդրումների աճի հարցում։
Հայաստանի 2024թ․–ի պետբյուջեի նախագծում եկամուտը նախատեսված է 2,8 տրիլիոն դրամի չափով, ծախսերը՝ 3,1 տրիլիոն դրամ, պակասուրդը՝ 341,1 մլրդ դրամ։ ՀՆԱ–ի աճի թիրախային ցուցանիշը մնում է 7%–ի մակարդակում (ինչպես 2023թ․–ին)։-0-
