Հայաստանը շահագրգռված է Իրանի հետ ազատ առևտրի գոտու մասին համաձայնագրի ստորագրմամբ. Քերոբյան

ԵՐԵՎԱՆ, 25 օգոստոսի./ԱՌԿԱ/. Հայաստանը շահագրգռված է Իրանի հետ ազատ առևտրի գոտու (ԱԱԳ) մասին համաձայնագրի ստորագրմամբ, լրագրողներին ասաց ՀՀ էկոնոմիկայի նախարար Վահան Քերոբյանը։

Նախարարի խոսքով՝ համապատասխան համաձայնագիրն արդեն պատրաստ է։ Այս պահին ԵԱՏՄ անդամ պետությունների միջև դիրքորոշումների վերջնական համաձայնեցում է իրականացվում, որից հետո հնարավոր կլինի անցնել ստորագրման փուլին։

«Հայաստանը, լինելով ԵԱՏՄ ուղղությամբ Իրանի համար միակ ցամաքային ճանապարհը, շահագրգռված է ստորագրել այս համաձայնագիրը, որը թույլ կտա ընդլայնել մեր դերը (համագործակցության հաստատման գործում) Իրանի և ԵԱՏՄ-ի միջև»,- ասաց նա ուրբաթ Երևանում կազմակերպված «Իրանի ազատ տնտեսական գոտի» ցուցահանդեսի ժամանակ:

Իրանի և ԵԱՏՄ-ի միջև ազատ առևտրի համաձայնագիր է ստորագրվել 2023 թվականի հունվարի 19-ին. այն ուժի մեջ կմտնի 2023 թվականի սեպտեմբերից։ Այս փաստաթղթի ստորագրման նպատակն է դյուրացնել և արագացնել Իրանի և միության երկրների միջև տնտեսական և առևտրային հարաբերությունների զարգացումը։

Մասնավորապես, ազատ առևտրի համաձայնագրի շրջանակներում Իրանն ու ԵԱՏՄ-ն համաձայնացրել են սահմանել զրոյական սակագների երկու կողմեր մատակարարվող ապրանքների 90%-ի համար: Երկարաժամկետ համագործակցության հեռանկարային ոլորտներից են տրանսպորտը, արդյունաբերությունը, գյուղատնտեսությունը և պարենային անվտանգության ապահովումը, բանկային հատվածը, էներգետիկան և զբոսաշրջությունը։-0-