Հայաստանում բենզինն այս տարվա հուլիսին թանկացել է 11,6%–ով, դիզվառելիքը`43,2%–ով

ԵՐԵՎԱՆ, 3 օգոստոսի./ԱՌԿԱ/. Հայաստանում բենզինի և դիզվառելիքի գները 2022թ.–ի հուլիսին, նախորդ տարվա հուլիսի համեմատ, ավելացել են համապատասխանաբար 11,6% և 43,2%–ով։ Այս մասին վկայում են ՀՀ ազգային վիճակագրական կոմիտեի հաշվետվության տվյալները։

Միաժամանակ 2022թ.–ի հուլիսին, նույն տարվա հունիսի համեմատ, բենզինը թանկացել է 0,8%–ով, իսկ դիզվառելիքն էժանացել է 0,4%–ով, իսկ դեկտեմբերի համեմատ բենզինի և դիզվառելիքի գնաճը կազմել է համապատասխանաբար 2,9% և 32,8%։

Ընդհանուր առմամբ, վիճակագրական տվյալների համաձայն, ոչ պարենային ապրանքների գնաճը 2022թ.–ի հուլիսին, նախորդ տարվա հուլիսի համեմատ, կազմել է 8,2%, իսկ այս տարվա հունիսի համեմատ` 0,5%։–0–