Հայաստանը 2014 թ.–ին «բաց երկնքի մասին» համաձայնագիր կստորագրի Ուկրաինայի Թուրքմենստանի, Իրաքի, Քուվեյթի հետ

ԵՐԵՎԱՆ, 21 հունվարի. /ԱՌԿԱ/. Հայաստանը 2014 թվականին «բաց երկնքի մասին» համաձայնագիր կստորագրի Ուկրաինայի, Թուրքմենստանի, Իրաքի, Քուվեյթի հետ, երեքշաբթի լրագրողներին հայտնեց Հայաստանի Քաղաքացիական ավիացիայի գլխավոր վարչության (ՔԱԳՎ) նախագահ Արտեմ Մովսիսյանը։

«Սկսած 2013 թվականից` Հայաստանը «բաց երկնքի» քաղաքականություն է վարում, որի շրջանակներում արդեն համապատասխան համաձայնագրեր են ստորագրվել ԱՄՆ–ի, Միացյալ Արաբական Էմիրությունների և Ռուսաստանի հետ»,– ասաց Մովսիսյանը։

Ըստ նրա` 2014 թվականին ծրագրվում է զգալիորեն ընդլայնել երկրների ցուցակը, սակայն ամեն ինչ կախված կլինի նրանից, թե որքանով օպերատիվ կպատրաստվեն և կհամաձայնեցվեն համապատասխան համաձայնագրերը գործընթացի համար պատասխանատու Հայաստանի էկոնոմիկայի նախարարության և գործընկեր երկրների համապատասխան կառույցների կողմից։

2013թ. hոկտեմբերի 23–ին ՀՀ կառավարությունը հաստատեց «Հայաստանում ավիափոխադրումների մրցակցային և շարունակական ծառայությունների մատուցման ապահովման ծրագիրը», որը հիմնված է «McKinsey & Company» ընկերության և ՀՀ ազգային մրցունակության հիմնադրամի անցկացրած համատեղ հետազոտության վրա։

Հետազոտության համաձայն` դեպի Հայաստան զբոսաշրջային հոսքի աճի տեմպը «բաց երկնքի» քաղաքականության ներդրումից հետո կգերազանցի ՀՆԱ աճը։ Այսպես, ավիաընկերությունների գործունեությունը կազդի ՀՆԱ ծավալը 40-50 մլն չափով ավելացնելու վրա, օդանավակայանինը` 30-40 մլն դոլարով, զբոսաշրջության զարգացման վրա` 260-320 մլն դոլարով։

2014 թվականի հայկական պետբյուջեում ՀՆԱ իրական աճի 5.2-տոկոսանոց ցուցանիշն է։ -0-