ԵՐԵՎԱՆ, 10 փետրվարի./ԱՌԿԱ/. Հայաստանում շինարարական աշխատանքների ծավալը 2021թ.-ի հունվար-դեկտեմբերին կազմել է 470 079.0 մլն դրամ՝ 2020թ.-ի նույն ժամանակահատվածի համեմատ ավելանալով 7,4%-ով: Այս մասին է վկայում ՀՀ ազգային վիճակագրական կոմիտեն:
Պետական բյուջեի հաշվին իրականացված շինարարության ծավալը նախորդ տարի կազմել է 141 971,3 մլն դրամ կամ շինարարական աշխատանքների ընդհանուր ծավալի 30,2%-ը (1,1%-ի անկում):

Համայնքային միջոցների հաշվին իրականացված շինարարական աշխատանքների ծավալը կազմել է 22 407,1մլն դրամ (մասնաբաժինը՝ 4,8%, աճը՝ 54,4%), մարդասիրական օգնության հաշվին իրականացված շինարարության ծավալը կազմել է 5 793,5մլն դրամ (մասնաբաժինը՝ 1,2%, աճը՝ 3,2 անգամ), կազմակերպությունների հաշվին իրականացված շինարարությունը՝ 203 929,1մլն դրամ (մասնաբաժինը՝ 43,4%, աճը՝ 8,1%), բնակչության հաշվին իրականացված շինարարությունը՝ 95 978,0 մլն դրամ (մասնաբաժինը՝ 20,4%, աճը՝ 7,6%):

Բացի այդ, միջազգային վարկերի հաշվին իրականացված շինարարության ծավալը 2021թ.-ին կազմել է 69 549,7մլն դրամ՝ գրանցելով 8,3%-ի անկում: Ընդ որում միջազգային վարկերի միջոցներից Համաշխարհային բանկին բաժին է հասել 8 833,8մլն դրամ, Ասիական զարգացման բանկին՝ 27 125,7մլն դրամ, Վերակառուցման և զարգացման եվրոպական բանկին (ՎԶԵԲ)՝ 2 451,8մլն դրամ, Եվրոպական ներդրումային բանկին (ԵՆԲ)՝ 7 279,7մլն դրամ, Գերմանական զարգացման բանկին (KfW)՝ 2 179,0մլն դրամ, այլ կառույցներին՝ 21 679,7մլն դրամ:-0-