Հայաստանում 2023թ․–ին էլեկտրաէներգիայի արտադրության ծավալը կազմել է 8,8մլրդ կՎտ/ժ

ԵՐԵՎԱՆ, 7 փետրվարի․/ԱՌԿԱ/․ Հայաստանում 2023 թվականին արտադրվել է 8,845,1 մլն կՎտ/ժ էլեկտրաէներգիա՝ 2022 թվականի 8,907,9 մլն կՎտ/ժ-ի դիմաց։ Այս մասին են վկայում Հայաստանի ազգային վիճակագրական կոմիտեի հրապարակած տվյալները։

Արտադրված էլեկտրաէներգիայի ամենամեծ տեսակարար կշիռը՝ 53%-ը, բաժին է ընկնում ՋԷԿ-երին. արտադրության ծավալը կազմում է 3715,6 մլն կՎտ/ժ՝ աճը՝ 4,2%։ ՀԱԷԿ-ի մասնաբաժինը (ծավալը՝ 2709,2 մլն կՎտժ, անկումը՝ 4,8%) կազմում է 22%, իսկ հիդրոէլեկտրակայաններինը (արտադրության ծավալը՝ 1645,8 մլն կՎտժ, անկումը՝ 15,2%)՝ 20,2%։

Արևային էլեկտրակայանները (մասնաբաժինը` 4,8%) անցյալ տարի արտադրել են 772,2 մլն կՎտ/ժ էլեկտրաէներգիա` նախորդ տարվա 241,3 մլն կՎտ/ժ-ի դիմաց, իսկ հողմային էլեկտրակայանները (մասնաբաժինը` 0,02%)` 2,3 մլն կՎտ/ժ (աճը` 29,8%):-0-