Հայկական դրամը նշում է 22–րդ տարեդարձը

ԵՐԵՎԱՆ, 23 նոյեմբերի. /ԱՌԿԱ/. Հայաստանի ազգային արժույթը` հայկական դրամը, 2015 թվականի նոյեմբերի 22–ին դարձավ 22 տարեկան։ Նույն օրը նշվում է նաև բանկային համակարգի աշխատակցի մասնագիտական տոնը։

Այդ առիթով «ԱՌԿԱ» գործակալությունն ընթերցողին է ներկայացնում Հայաստանի Կենտրոնական բանկի այցելուների կենտրոնում իրականացված ֆոտոռեպորտաժը։ Կենտրոնում ներկայացված է հայկական հնագույն դրամների հարուստ հավաքածու, ինչպես նաև Հայաստանի տարածքում պատմական տարբեր ժամանակահատվածներում շրջանառված թղթադրամներ և ժամանակակից հուշադրամներ։

«ԱՌԿԱ» գործակալությունը շնորհակալություն է հայտնում Հայաստանի Կենտրոնական բանկի այցելուների կենտրոնի ղեկավար Զարուհի Բարսեղյանին ֆոտոռեպորտաժի պատրաստման ժամանակ ցուցաբերած աջակցության համար։

1994–ից 2015 թվականներին Հայաստանը թողարկել է մոտ 350 հուշադրամ



Ամենափոքր ոսկե հուշադրամը (1,24 գ), որը թողարկվել է 2011 թվականին Հայաստանում



Արծաթե մեծ տետրադրախմներ` Արտաշեսյանների տոհմի Տիգրան Բ Մեծ արքայի (մ.թ.ա. 95-55թթ.) ժամանակների դրամներ



Արտաշատ քաղաքի դրամներ (անտիկ ժամանակաշրջան, 1-2 դարեր)



Արտաշեսյանների տոհմի Արտավազդ Բ արքայի ժամանակների արծաթե դրամներ (մ.թ.ա. 1–ին դար)



Բագրատունյաց տոհմի Կյուրիկե Բ արքայի ժամանակների պղնձե դրամներ (մ.թ. 1048-1100 թթ.):
Առաջին անգամ դրամների վրա հայտնվել է գրառում հայերեն լեզվով



Կոմագենեի արքաների պղնձե դրամներ։ Հատվել են Միհրդատ Ա Կալինիկեի ժամանակ (մ.թ. 96-70թթ.) մինչև մ.թ. 1–ին դարի երկրորդ կեսը



Խեթում Ա արքայի ժամանակների արծաթե դրամ։ Կիլիկիայի հայկական թագավորություն (13-րդ դար)




Անդրկովկասի դաշնության 1924թ–ի թղթադրամներ 1 մլրդ ռուբլի անվանականությամբ



ԽՍՀՄ ժամանակների թղթադրամներ և դրամներ



Հայաստանի Երկրորդ Հանրապետության թղթադրամներ (1993թ.)



Մեկ կգ քաշով ոսկե հուշադրամ 20–րդ դարի հայ կաթողիկոսների պատկերմամբ (2008 թ.)



Ոսկե հուշադրամներ հայկական այբուբենի պատկերմամբ (2013 թ.)



Ժամանակակից թղթադրամներ


Մյուս լուսանկարները կարելի է դիտել այստեղ