Հայաստանը 2 մլրդ խորանարդ գազի դիմաց Իրան է արտահանել 6.2 մլրդ կՎտ/ժ էլեկտրաէներգիա. նախարար

ԵՐԵՎԱՆ, 8 օգոստոսի. /ԱՌԿԱ/. «Գազ` էլեկտրաէներգիայի դիմաց» ծրագրի իրագործման ընթացքում Հայաստանը շուրջ 2 մլրդ խորանարդ գազ է ներկրել Իրանից և շուրջ 6.2 մլրդ կՎտ/ժ էլեկտրաէներգիա արտահանել Իրան, ուրբաթ լրագրողների ասաց Հայաստանի էներգետիկայի և բնական պաշարների նախարար Երվանդ Զախարյանը։

«Վեց ամսում ներկրվել է 220 մլն խորանարդ գազ, արտահանվել է 670 կՎտ/ժ էլեկտրաէներգիա»,– ասաց Զախարյանը։

Հայաստանի և Իրանի միջև գազատարը բացվել է 2007 թ.–ին։ Իրանական գազը վերամշակվում է` դառնալով էլեկտրաէներգիա, որը նախատեսված է Իրան արտահանելու համար` ելնելով 1 խորանարդ մետր բնական գազի դիմաց 3 կՎտ/ժ հաշվարկից։ Համաձայնագիրը նախատեսում է, որ 20 տարվա ընթացքում Իրանը Հայաստան կմատակարարի 36 մլրդ խորանարդ մետր գազ` պայմանագրի ժամկետը հինգ տարի և գազի ընդհանուր մատակարարման ծավալը մինչև 47 մլրդ խորանարդ մետր հնարավոր երկարաձգմամբ։  -0-