Հայաստանն ու Սինգապուրը կխորացնեն քաղավիացիայի ոլորտում համագործակցությունը
ԵՐԵՎԱՆ, 10 հուլիսի./ԱՌԿԱ/. Հայաստանն ու Սինգապուրը պատրաստվում են խորացնել քաղավիացիայի ոլորտում համագործակցությունը։
Հայաստանի Հանրապետության և Սինգապուրի ավիացիոն իշխանությունների ղեկավարներն առաջիկայում կստորագրեն «Հայաստանի Հանրապետության կառավարության և Սինգապուրի Հանրապետության կառավարության միջև օդային հաղորդակցությունների մասին» համաձայնագիրը:
ՀՀ կառավարությանն առընթեր քաղաքացիական ավիացիայի գլխավոր վարչության մամուլի հաղորդագրության համաձայն, համաձայնագիրը կստորագրվի 2017 թ-ի հուլիսի 11-13-ը Սինգապուրում կայանալիք «Ավիացիայի զարգացումը և հիմնադրույթների ամրապնդումը» թեմայով քաղաքացիական ավիացիայի ոլորտի ղեկավարների 6-րդ համաշխարհային ֆորումին:
Գլխավոր վարչության պետ Սերգեյ Ավետիսյանը մեկնել է Սինգապուրի Հանրապետություն` ֆորումին մասնակցելու նպատակով քաղավիացիայի:-0-
