Արա Աբրահամյան. հայկական բիզնեսը պետք է ավելի ակտիվ օգտագործի Եվրասիական տնտեսական համաժողովի հնարավորությունները

ԵՐԵՎԱՆ, 23 հոկտեմբերի. /ԱՌԿԱ/. Հայկական բիզնեսը թերագնահատում է Եվրասիական տնտեսական համաժողովի հնարավորությունները, երեքշաբթի ասաց «Եվրասիական գործընկերության միջազգային համաժողով» ՀԿ–ի նախագահ, Համաշխարհային հայկական կոնգրեսի և Ռուսաստանի հայերի միության նախագահ, ՅՈՒՆԵՍԿՕ–ի բարի կամքի դեսպան Արա Աբրահամյանը։

Ըստ նրա, համաժողովը պետք է կարևոր դեր խաղա ոչ միայն ռուսական, ղազախական, բելառուսական, այլ նաև հայկական բիզնեսում, քանի որ դա ակտիվ շփման լավ հնարավորություն է։

Նա նշեց, որ համաժողովը հնարավորություն է ընձեռում հաստատել ուղիղ երկխոսություն, կապեր, համագործակցություն տարբեր ընկերությունների հետ, առավել ևս, որ դրա համար ստեղված են բոլոր անհրաժեշտ մեխանիզմները` Երևանում կա մշտապես գործող գրասենյակ, որը բիզնեսի ներկայացուցիչները կարող են այցելել ցանկացած ժամ, հաստատեն անհրաժեշտ կապերն ու ակտիվ մասնակցեն ծրագրերում։

Բացի այդ, ըստ նրա, տարվա ընթացքում ՌՀՄ մշտապես իրականացնում է տարբեր ծրագրեր և հանդիպումներ ձեռնարկությունների, նախարարությունների, գերատեսչությունների ներկայացուցիչներ հետ, ինչը լավ հնարավորություն է կապեր և ծանոթություններ ձեռք բերելու համար ոչ միայն ԵՏՄ շրջանակում, այլև այնպիսի երկրների հետ, ինչպիսին են Հնդկաստանը, Չինաստանը։

Որպես օրինակ նա նշեց, որ համաժողովում ներկայացված է 70 միլիարդ եվրո ներուժով չինական ներդրումային հիմնադրա, և նման ներդրումների ներգրավման համար անհրաժեշտ է միայն ակտիվություն ցուցաբերել։

«Ցավոք, հայկական բիզնեսը չի ցուցաբերում ակտիվություն, երբեմն նաև թերագնահատում է այն հնարավորությունները, որն ընձեռում է Եվրասիական տնտեսական համաժողովը։ Պետք է հաշվի առնել նաև այն, որ համաժողովի կազմակերպիչների թվում է ՌԴ արդյունաբերական և առևտրի նախարարությունը, որը միավորում է շուրջ 30 միլիոն ռուսաստանցի, նրանց հնարավորությունները։ Որպես հայ ասում եմ, որ մենք պետք է լինենք ավելի կազմակերպված, ավելի սերտ համագործակցենք, որպեսզի բարձրացնենք արդյունավետությունը», – ասաց Աբրահամյանը։

Հոկտեմբերի 22-24-ը Երևանում տեղի է ունենալու Եվրասիական գործընկերության միջազգային երրորդ համաժողովը։ 

Համաժողովի աշխատանքներին կմասնակցեն Ռուսաստանի, Հայաստանի, Բելառուսի, Ղազախստանի, Ղրղըզստանի, ինչպես նաև ԱՄՆ-ի, Չինաստանի, Քաթարի, Հարավային Կորեայի, Իրանի, Հնդկաստանի և այլ երկրների կառավարությունների բարձրաստիճան ներկայացուցիչների, գործարար շրջանակների և փորձագետների համայնքի, համաշխարհային նշանավոր ընկերությունների ղեկավարներ:

Եվրասիական գործընկերության միջազգային համաժողովի աշխատանքը զուգորդված է «Եվրասիական տնտեսական շաբաթի» միջոցառումների հետ՝ խոշորագույն միջազգային գործնական համաժողովի ԵԱՏՄ տարածության վրա, ինչն ընդլայնում է փոխադարձ հնարավորությունները՝ բիզնեսի փոխշահավետ երկխոսության և ազգային ու վերազգային մակարդակի կարգավորիչների համար:

Եվրասիական գործընկերության միջազգային համաժողովի աշխատանքին կմասնակցի ԱՄՆ-ից ներկայացուցչական պատվիրակություն, մասնավորապես՝ Ռուդոլֆ Ջուլիանին՝ ԱՄՆ նախագահի խորհրդականը, Նյու Յորքի նախկին քաղաքապետը:–0–