Արտաքին պարտքի ծավալի և սպասարկման բեռի ու քաղաքացիների ստեղծած եկամուտների միջև ահռելի տարբերություն կա․ Մինասյան
ԵՐԵՎԱՆ, 13 նոյեմբերի․/ԱՌԿԱ/․ «Հայաստան» խմբակցության պատգամավոր Արծվիկ Մինասյանը Ազգային ժողովում 2025թ բյուջեի նախագծի քննարկման ժամանակ հայտարարեց, որ այսօրվա արտաքին պարտքի ամբողջ ծավալի և սպասարկման բեռի ու քաղաքացիների ստեղծած եկամուտների միջև ահռելի տարբերություն կա։
Մինասյանի խոսքով՝ այն, ինչ իշխանությունը խոստացել է իր ծրագրով, հրապարակային խոստումներով, դրա 99 տոկոսը «ծալել, դրել է մի կողմ և իրականացնում է իրավիճակային գործողություններ»։
«Գործող իշխանության կողմից որդեգրվել է մի այլ քաղաքականություն ևս՝ ամեն ինչ թաքցնել, ինչը հնարավոր դեպքում կարող է քննադատության արժանանալ։ Պատահական չէ, որ Ֆինանսների նախարարը փորձում է փաթեթավորել, թե ձեր համար հաճելի փոքր ծավալի նյութերի պատրաստման համար էին գրել օգտակար։ Շատ եք քննադատում նախկիններին և լավ եք անում, ճիշտ եք անում, բայց դուք ինչով եք տարբերվում վատ բարքերն առաջ տարած մարդկանցից, երբ քողարկում էին կոնկրետ ծախսերը։ Շատ ավելի վատն եք հիմա անում դուք»,-ասաց Մինասյանը։
