«Հայփոստը» բացում է Shopinamerica.am հարթակը
31.07.2015,
21:31
Հայաստանի փոստային կապի ազգային օպերատորը` «ՀայՓոստ» ՓԲԸ–ն և ՀՀ Ֆինանսների նախարարությունն ուրբաթ հայտարարել են օգոստոսի 1–ին օպերատորի նոր ծառայության` «ShopInAmerica» հարթակի գործարկման մասին։
ԵՐԵՎԱՆ, 31 հուլիսի. /ԱՌԿԱ/. Հայաստանի փոստային կապի ազգային օպերատորը` «ՀայՓոստ» ՓԲԸ–ն և ՀՀ Ֆինանսների նախարարությունն ուրբաթ հայտարարել են օգոստոսի 1–ին օպերատորի նոր ծառայության` «ShopInAmerica» հարթակի գործարկման մասին։
«Հայփոստ Թրասթ Մենեջմենթ» ընկերության մամուլի ծառայության տեղեկատվության նշվում է, որ ՀՀ Ֆինանսների նախարարության և «ՀայՓոստ»-ի միջև համագործակցության արդյունքում տեղի են ունեցել ապրանքների ներմուծմանն առնչվող մաքսային օրենսդրության փոփոխություններ, որոնց շնորհիվ Հայաստանի բնակիչները կազատվեն ապրանքների ներմուծման հետ կապված հարկերից:
ՀՀ ֆինանսների նախարարության հետ համագործակցության և նշված փոփոխությունների արդյունքում «ՀայՓոստ»-ը հնարավորություն է ունեցել պարզեցնելու ԱՄՆ-ից կատարվող գնումների ընթացակարգը, նշվում է հաղորդագրության մեջ։
Մասնավորապես, այսուհետ Հայաստանի բնակիչները կարող են կատարել ներմուծվող ապրանքների մաքսազերծումը և վճարել մաքսատուրքը «ՀայՓոստ»-ի հայաստանյան բաժանմունքներում: «ՀայՓոստ»-ի անձնակազմը մաքսազերծման վերաբերյալ վերապատրաստման արագացված դասընթացներ է անցել՝ գործընթացներն արդյունավետորեն կառավարելու նպատակով:
«Մաքսազերծման գործընթացը կնպաստի ապրանքների ներմուծման գործընթացի թափանցիկությանը և պետական եկամուտների ավելացմանը»,– նշվում է հաղորդագրության մեջ։
Ընկերությունից նաև ընդգծել են, որ ՀՀ ֆինանսների նախարարության և «ՀայՓոստ»-ի միջև ավելի քան մեկ տարի առաջ մեկնարկած համագործակցության շնորհիվ «ՀայՓոստ»-ը կարողացել է մշակել և գործարկել նոր ծառայություն, որը նպատակ ունի պարզեցնելու ԱՄՆ-ից կատարվող առցանց գնումների ընթացքը և առաքումը հայաստանաբնակ հաճախորդների համար։
«Shopinamerica.am հարթակի միջոցով Հայաստանի գնորդները կարող են գրանցվել և ձեռք բերել ամերիկյան փոստային հասցե Կալիֆոռնիայի Գլենդել քաղաքում գտնվող «ՀայՓոստ»-ի նորաբաց բաժանմունքում՝ այդպիսով հնարավորություն ստանալով օգտվելու ամերիկյան ապրանքների շուկայի հասանելիությունից», – նշում են ընկերությունից։
«ՀայՓոստ»-ի ամերիկյան բաժանմունք առաքումից հետո գնված ապրանքներն անմիջապես ուղարկվում են Հայաստան՝ գնորդին առավել մոտ գտնվող «ՀայՓոստ»-ի բաժանմունք։ «Այս նորարարական հարթակը նպատակ ունի պարզեցնելու, ավելի արագ և մատչելի դարձնելու ԱՄՆ-ից Հայաստան կատարվող առցանց գնումների առաքման գործընթացը և «ՀայՓոստ»-ի ընդլայնված ցանցի շնորհիվ այդ ծառայությունը հասանելի դարձնելու անգամ ՀՀ ամենահեռավոր գյուղերի բնակիչների համար», – ընդգծել են մամուլի ծառայությունից։
«Մենք ուրախ ենք և հպարտ, որ մեկնարկում ենք «ShopInAmerica» հարթակը և լիահույս ենք, որ Հայաստանի համար աննախադեպ այս ծառայությունը մեծ հաջողություն կունենա՝ շուկայական նոր հնարավորություններ ստեղծելով Հայաստանի սպառողների ու ձեռնարկատերերի համար և արագ ու վստահելի ելք բացելով դեպի նոր հնարավորությունների աշխարհ», – նշել է «ՀայՓոստ Թրասթ Մենեջմենթ»-ի կառավարող տնօրեն Խուան Պաբլո Գեչիջյանը։
Նրա խոսքով` Գլենդելում գտնվող «ՀայՓոստ»-ի նոր բաժանմունքը հնարավորություն է ընձեռում ապրանքների լայն տեսականի առաքելու ԱՄՆ-ից Հայաստան արագ և ապահով կերպով՝ առանց մաքսակետով անցնելու անհրաժեշտության:
Ամսական մինչև 200,000 ՀՀ դրամ արժողությամբ և 30 կգ քաշով գնումներ կատարելու դեպքում գնորդները կարող են օգտվել ապրանքների՝ հարկերից ազատված ներմուծման հնարավորությունից։
«Այս յուրահատուկ հարթակը կնպաստի Հայաստանի և ԱՄՆ-ի միջև կատարվող առևտրի ծավալների մեծացմանը: Մեր նպատակն է բարելավել և ընդլայնել մեր ծառայությունները մեր հաճախորդների կարիքները բավարարելու, ինչպես նաև Հայաստանի և արտերկրի միջև նոր կամուրջ ստեղծելու նպատակով։ Այսուհետ դուք կարող եք գնումներ կատարել այնպես, ասես ապրում եք ԱՄՆ-ում», – նշել է Գեչիջյանը։
Shopinamerica.am հարթակը կմեկնարկի օգոստոսի 1-ից:
«ՀայՓոստ» ՓԲԸ-ն Հայաստանի փոստային կապի ազգային օպերատորն է, որը տրամադրում է փոստային, ֆինանսական և մանրածախ առևտրային ծառայություններ: Ներկայումս «ՀայՓոստ» ՓԲԸ-ն իր գործունեությունը ծավալում է ՀՀ բոլոր քաղաքներում և նույնիսկ ամենահեռավոր գյուղերում գործող 900 փոստային բաժանմունքների միջոցով: –0– Ա.Թ.
«Հայփոստ Թրասթ Մենեջմենթ» ընկերության մամուլի ծառայության տեղեկատվության նշվում է, որ ՀՀ Ֆինանսների նախարարության և «ՀայՓոստ»-ի միջև համագործակցության արդյունքում տեղի են ունեցել ապրանքների ներմուծմանն առնչվող մաքսային օրենսդրության փոփոխություններ, որոնց շնորհիվ Հայաստանի բնակիչները կազատվեն ապրանքների ներմուծման հետ կապված հարկերից:
ՀՀ ֆինանսների նախարարության հետ համագործակցության և նշված փոփոխությունների արդյունքում «ՀայՓոստ»-ը հնարավորություն է ունեցել պարզեցնելու ԱՄՆ-ից կատարվող գնումների ընթացակարգը, նշվում է հաղորդագրության մեջ։
Մասնավորապես, այսուհետ Հայաստանի բնակիչները կարող են կատարել ներմուծվող ապրանքների մաքսազերծումը և վճարել մաքսատուրքը «ՀայՓոստ»-ի հայաստանյան բաժանմունքներում: «ՀայՓոստ»-ի անձնակազմը մաքսազերծման վերաբերյալ վերապատրաստման արագացված դասընթացներ է անցել՝ գործընթացներն արդյունավետորեն կառավարելու նպատակով:
«Մաքսազերծման գործընթացը կնպաստի ապրանքների ներմուծման գործընթացի թափանցիկությանը և պետական եկամուտների ավելացմանը»,– նշվում է հաղորդագրության մեջ։
Ընկերությունից նաև ընդգծել են, որ ՀՀ ֆինանսների նախարարության և «ՀայՓոստ»-ի միջև ավելի քան մեկ տարի առաջ մեկնարկած համագործակցության շնորհիվ «ՀայՓոստ»-ը կարողացել է մշակել և գործարկել նոր ծառայություն, որը նպատակ ունի պարզեցնելու ԱՄՆ-ից կատարվող առցանց գնումների ընթացքը և առաքումը հայաստանաբնակ հաճախորդների համար։
«Shopinamerica.am հարթակի միջոցով Հայաստանի գնորդները կարող են գրանցվել և ձեռք բերել ամերիկյան փոստային հասցե Կալիֆոռնիայի Գլենդել քաղաքում գտնվող «ՀայՓոստ»-ի նորաբաց բաժանմունքում՝ այդպիսով հնարավորություն ստանալով օգտվելու ամերիկյան ապրանքների շուկայի հասանելիությունից», – նշում են ընկերությունից։
«ՀայՓոստ»-ի ամերիկյան բաժանմունք առաքումից հետո գնված ապրանքներն անմիջապես ուղարկվում են Հայաստան՝ գնորդին առավել մոտ գտնվող «ՀայՓոստ»-ի բաժանմունք։ «Այս նորարարական հարթակը նպատակ ունի պարզեցնելու, ավելի արագ և մատչելի դարձնելու ԱՄՆ-ից Հայաստան կատարվող առցանց գնումների առաքման գործընթացը և «ՀայՓոստ»-ի ընդլայնված ցանցի շնորհիվ այդ ծառայությունը հասանելի դարձնելու անգամ ՀՀ ամենահեռավոր գյուղերի բնակիչների համար», – ընդգծել են մամուլի ծառայությունից։
«Մենք ուրախ ենք և հպարտ, որ մեկնարկում ենք «ShopInAmerica» հարթակը և լիահույս ենք, որ Հայաստանի համար աննախադեպ այս ծառայությունը մեծ հաջողություն կունենա՝ շուկայական նոր հնարավորություններ ստեղծելով Հայաստանի սպառողների ու ձեռնարկատերերի համար և արագ ու վստահելի ելք բացելով դեպի նոր հնարավորությունների աշխարհ», – նշել է «ՀայՓոստ Թրասթ Մենեջմենթ»-ի կառավարող տնօրեն Խուան Պաբլո Գեչիջյանը։
Նրա խոսքով` Գլենդելում գտնվող «ՀայՓոստ»-ի նոր բաժանմունքը հնարավորություն է ընձեռում ապրանքների լայն տեսականի առաքելու ԱՄՆ-ից Հայաստան արագ և ապահով կերպով՝ առանց մաքսակետով անցնելու անհրաժեշտության:
Ամսական մինչև 200,000 ՀՀ դրամ արժողությամբ և 30 կգ քաշով գնումներ կատարելու դեպքում գնորդները կարող են օգտվել ապրանքների՝ հարկերից ազատված ներմուծման հնարավորությունից։
«Այս յուրահատուկ հարթակը կնպաստի Հայաստանի և ԱՄՆ-ի միջև կատարվող առևտրի ծավալների մեծացմանը: Մեր նպատակն է բարելավել և ընդլայնել մեր ծառայությունները մեր հաճախորդների կարիքները բավարարելու, ինչպես նաև Հայաստանի և արտերկրի միջև նոր կամուրջ ստեղծելու նպատակով։ Այսուհետ դուք կարող եք գնումներ կատարել այնպես, ասես ապրում եք ԱՄՆ-ում», – նշել է Գեչիջյանը։
Shopinamerica.am հարթակը կմեկնարկի օգոստոսի 1-ից:
«ՀայՓոստ» ՓԲԸ-ն Հայաստանի փոստային կապի ազգային օպերատորն է, որը տրամադրում է փոստային, ֆինանսական և մանրածախ առևտրային ծառայություններ: Ներկայումս «ՀայՓոստ» ՓԲԸ-ն իր գործունեությունը ծավալում է ՀՀ բոլոր քաղաքներում և նույնիսկ ամենահեռավոր գյուղերում գործող 900 փոստային բաժանմունքների միջոցով: –0– Ա.Թ.
