Ամերիաբանկը մեկնարկել է երիտասարդ մասնագետներին աջակցող «Ամերիա Սերունդ» ծրագիրը
29.06.2012,
17:29
«Ամերիաբանկը» հայտարարեց նոր նախաձեռնության` «Ամերիա Սերունդ» ծրագրի մեկնարկի մասին:
ԵՐԵՎԱՆ, 29 հունիսի. /Նովոստի-Արմենիա/. «Ամերիաբանկը» հայտարարեց նոր նախաձեռնության` «Ամերիա Սերունդ» ծրագրի մեկնարկի մասին:
«Ամերիաբանկը հայտարարել է, որ անցնում է բանկային ունիվերսալ ծառայությունների, և այդ ռազմավարության շրջանակում մենք մեր առաջ մեծածախ ծառայություների զարգացման և շուկայում մասնաբաժինն ընդլայնելու խնդիր ենք դրել: Ելնելով այդ տրամաբանությունից՝ մեզ համար առաջնային խնդիր է համապատասխան կադրերի առկայությունը», – ասաց «Ամերիաբանկի» մանրածախ բանկային գործառնությունների տնօրեն Արման Բարսեղյանը:
Նրա խոսքով՝ ծրագրի նպատակն է երիտասարդ, եռանդով լի և նպատակասլաց սկսնակ մասնագետների զարգացումն ու ապագա առաջնորդների բացահայտումը:
«Ծրագրի միջոցով «Ամերիաբանկը» ստեղծում է հնարավորություն՝ աշխատանքային փորձ չունեցող, նորավարտ երիտասարդներին սկսելու իրենց աշխատանքային ուղին հենց «Ամերիաբանկում» և ստանալու գործնական գիտելիքներ ֆինանսական ոլորտի, բանկային գործի, ինչպես նաև գործարար միջավայրում աշխատելու վերաբերյալ»,-ասաց Բարսեղյանը:
Ծրագրի շրջանակներում նախատեսվում է հավաքագրել 20-25 տարեկան, բարձրագույն կրթություն ստացած երիտասարդների, որոնք անցնելով համապատասխան ընտրության գործընթաց, հնարավորություն կստանան մասնակցելու «Ամերիա սերունդ» ծրագրին և մի քանի ամիսների ընթացքում վերապատրաստվելու «Ամերիաբանկում»:
Ծրագիրը հաջողությամբ ավարտելու դեպքում մասնակիցները հնարավորություն կունենան «Ամերիաբանկում» աշխատանքի անցնելու:
Մարդկային ռեսուրսների բաժնի պետ Արմինե Ղազարյանն էլ իր հերթին նշեց, որ ամեն տարի իրենց բանկում ուսանողական պրակտիկա անցնելու համար դիմում են 700 երիտասարդներ, որոնցից 150-200-ն անցնում են պրակտիկա, իսկ նրանց կեսն էլ աշխատանքի: «Մեր անձնակազմի միջին տարիքը 33 է, և մենք մշտապես կարեւորում ենք երիտասարդների ներգրավումը»,- ասաց Արմինե Ղազարյանը:
«Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի Տնօրենների խորհրդի նախագահն է Ռուբեն Վարդանյանը, Տնօրինության նախագահ-Գլխավոր տնօրենը` Արտակ Հանեսյանը:–-0-
«Ամերիաբանկը հայտարարել է, որ անցնում է բանկային ունիվերսալ ծառայությունների, և այդ ռազմավարության շրջանակում մենք մեր առաջ մեծածախ ծառայություների զարգացման և շուկայում մասնաբաժինն ընդլայնելու խնդիր ենք դրել: Ելնելով այդ տրամաբանությունից՝ մեզ համար առաջնային խնդիր է համապատասխան կադրերի առկայությունը», – ասաց «Ամերիաբանկի» մանրածախ բանկային գործառնությունների տնօրեն Արման Բարսեղյանը:
Նրա խոսքով՝ ծրագրի նպատակն է երիտասարդ, եռանդով լի և նպատակասլաց սկսնակ մասնագետների զարգացումն ու ապագա առաջնորդների բացահայտումը:
«Ծրագրի միջոցով «Ամերիաբանկը» ստեղծում է հնարավորություն՝ աշխատանքային փորձ չունեցող, նորավարտ երիտասարդներին սկսելու իրենց աշխատանքային ուղին հենց «Ամերիաբանկում» և ստանալու գործնական գիտելիքներ ֆինանսական ոլորտի, բանկային գործի, ինչպես նաև գործարար միջավայրում աշխատելու վերաբերյալ»,-ասաց Բարսեղյանը:
Ծրագրի շրջանակներում նախատեսվում է հավաքագրել 20-25 տարեկան, բարձրագույն կրթություն ստացած երիտասարդների, որոնք անցնելով համապատասխան ընտրության գործընթաց, հնարավորություն կստանան մասնակցելու «Ամերիա սերունդ» ծրագրին և մի քանի ամիսների ընթացքում վերապատրաստվելու «Ամերիաբանկում»:
Ծրագիրը հաջողությամբ ավարտելու դեպքում մասնակիցները հնարավորություն կունենան «Ամերիաբանկում» աշխատանքի անցնելու:
Մարդկային ռեսուրսների բաժնի պետ Արմինե Ղազարյանն էլ իր հերթին նշեց, որ ամեն տարի իրենց բանկում ուսանողական պրակտիկա անցնելու համար դիմում են 700 երիտասարդներ, որոնցից 150-200-ն անցնում են պրակտիկա, իսկ նրանց կեսն էլ աշխատանքի: «Մեր անձնակազմի միջին տարիքը 33 է, և մենք մշտապես կարեւորում ենք երիտասարդների ներգրավումը»,- ասաց Արմինե Ղազարյանը:
«Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի Տնօրենների խորհրդի նախագահն է Ռուբեն Վարդանյանը, Տնօրինության նախագահ-Գլխավոր տնօրենը` Արտակ Հանեսյանը:–-0-
