Գրեթե 11 մլրդ դոլարի առևտրաշրջանառություն ունենք. Պուտինը՝ Փաշինյանին
ԵՐԵՎԱՆ, 26 սեպտեմբեր․/ԱՌԿԱ/. Գրեթե 11 միլիարդ դոլարի առևտրաշրջանառություն ունենք: Մեր վիճակագրական տվյալներով` Հայաստանի հետ 2024 թվականին 11,7 մլրդ դոլարի առևտրաշրջանառություն ենք ունեցել, դա ռեկորդային ցուցանիշ է,ասել է ՌԴ նախագահ Վլադիմիր Պուտինը Նիկոլ Փաշինյանի հետ հանդիպման ժամանակ։
«Ընդհանուր առմամբ, մեր հարաբերությունները զարգանում են, զարգանում են լավ»,-ասել է Պուտինը։
Փաշինյանն ասաց, որ ՀՀ-ՌԴ հարաբերությունները ըստ նախատեսվածի զարգանում են:
«Դուք ընդգծեցիք փոխադարձ առևտրաշրջանառությունը, ճիշտ է այս տարի որոշակի անկում է նկատվում, դա կապված է որոշ գլոբալ գործընթացների հետ, բայց ես կարծում եմ, որ կա հնարավորություն աշխատելու այդ ուղղությամբ, որպեսզի մեր փոխադարձ առևտուրը շարունակի աճել այն տեմպերով, որոնք արձանագրվել են 2023-2024 թվականներին: Իհարկե, մեր հարաբերությունների օրակարգը շատ հարուստ է, և իսկապես ունենք քննարկելու բազմաթիվ հարցեր»,-ասաց Փաշինյանը։
Ռուսաստանը ավանդաբար եղել է Հայաստանի ամենամեծ արտաքին առևտրային գործընկերը։ Ըստ ԱՎԾ-ի՝ Հայաստանի և Ռուսաստանի միջև առևտրաշրջանառությունը այս տարվա առաջին յոթ ամիսներին կազմել է մոտ 4 մլրդ դոլար, ինչը 52.1%-ով պակաս է նախորդ տարվա նույն ժամանակահատվածի համեմատ։
