Հայաստանի մարզերում փետրվարին 0,2%-ով թանկացել են մասնավոր տների գները

ԵՐԵՎԱՆ, 16 ապրիլի. /ԱՌԿԱ/. Հայաստանի մարզերում մասնավոր տների միջին շուկայական գները 2013 թվականի փետրվարին, հունվարի համեմատ, բարձրացել են 0.2 տոկոսով։ Այս մասին ասվում է Հայաստանի անշարժ գույքի պետական կադաստրի՝ «ԱՌԿԱ» գործակալությանը տրամադրած հաշվետվության մեջ։

Միաժամանակ նշվում է, որ 2013 թվականի փետրվարին երկրում իրականացվել է մասնավոր տների առքուվաճառքի 399 գործարք, որոնցից 104–ը` Երևանում։

Կոմիտեի տվյալներով` մասնավոր տների ամենացածր գները 2013 թվականի փետրվարին  գրանցվել են Դաստակերտում (Սյունիք)` մեկ քառակուսի մետրի դիմաց 11.6 հազար դրամ և Թումանյանում (Լոռի) ` 1 ք.մ–ի դիմաց 12 հազար դրամ։

Հաշվետու ժամանակահատվածում ամենաբարձր գները գրանցվել են Ծաղկաձոր քաղաքում` մեկ քառակուսի մետրի դիմաց 305  հազար դրամ ($1 – 416,90 դրամ) ։ -0-