Հայաստանում պահածոների արտադրության ծավալը 2013 թվականի հունվար–հուլիսին 3 605,6 տոննա է կազմել

ԵՐԵՎԱՆ, 2 հուլիսի. /ԱՌԿԱ/. Հայաստանում արտադրված պահածոների ընդհանուր ծավալը 2013 թվականի հունվար–հուլիսին կազմել է 3 605,6 տոննա` 2012թ.–ի նույն ժամանակահատվածի համեմատ ավելանալով 26,4 տոկոսով, հայտնում է Ազգային վիճակագրական ծառայությունը։

Միաժամանակ հունվար–հուլիսին մսի պահածոների արտադրությունն աճել է մինչև 485,3 տոննա` 2012 թվականի հունվար–հուլիսի 373,1 տոննայի դիմաց (աճը` 30,1%)։

Բացի այդ, վիճակագրական տվյալների համաձայն, հաշվետու ժամանակահատվածում արտադրվել է 883,5 տոննա բանջարեղենի պահածո` 2012թ.–ի հունվար–հուլիսի 783 տոննայի դիմաց (աճը` 12,8%)։

2013 թվականի հունվար–հուլիսին արտադրվել է ընդամենը 766,1 տոննա պահածոյացված լոլիկ, ինչը 13,4 տոկոսով պակաս է նախորդ տարվա նույն ժամանակահատվածի ցուցանիշից։

Վիճակագրության համաձայն, մրգային պահածոների արտադրության ծավալը կազմել է 1405,7 տոննա, ինչը 73,3%–ով շատ է 2012թ.–ի նույն ժամանակահատվածի ցուցանիշից։

Միաժամանակ հաշվետու ժամանակահատվածում արտադրվել է 116,4 տոննա կետչուպ, ինչը 10,6%–ով շատ է նախորդ տարվա ցուցանիշից, 9327 հազար լիտր բնական հյութ (2012թ.–ի հունվար–հուլիսին գրանցված 8 486,8 հազար լիտրի դիմաց` 10,1% աճ)։ ($1 – 407,73 դրամ է)—0–