Հայկական շուկա նոր ավիաընկերություն է մուտք գործելու
ԵՐԵՎԱՆ, 7 մարտի./ԱՌԿԱ/. Եվրոպական «Ryanair լոուքոսթեր» ավիաընկերությունը պատրաստվում է մուտք գործել հայկական շուկա, գրում է «Ժողովուրդը»։
Թերթի տեղեկություններով՝ Քաղաքացիական ավիացիայի կոմիտեի և ավիաընկերության ղեկավար կազմերի միջև Դուբլինում տեղի ունեցած բանակցությունները բավական արդյունավետ են ընթանում և արդեն ավարտական փուլում են:
«Ժողովուրդ» օրաթերթի աղբյուրների պնդմամբ՝ հայտնի են ավիաընկերության գործունեության մեկնարկի մոտավոր ժամկետները, այն հնարավոր է սկսի չվերթեր իրականացնել արդեն 2020 թվականից:
«Ryanair ընկերության մուտքը հնարավորություն է ստեղծելու մեծացնելու ուղևորահոսքը Եվրոպայից դեպի Հայաստան՝ առաջարկելով նոր ուղղություններ և ցածր գներ: Նշենք, որ Ryanair ընկերությունը նախատեսել է չվերթերն իրականացնել հենց եվրոպական երկրներ»,-գրում են հոդվածի հեղինակները:–0–
