Հունվար-հոկտեմբեր ամիսներին Հայաստանում սպառողական գները աճել են 3.3%-ով
25.11.2025,
15:49
Այս տարվա հոկտեմբերին, նախորդ տարվա հոկտեմբերի համեմատ, աճը կազմել է 3.7%
ԵՐԵՎԱՆ, 25 նոյեմբեր․/ԱՌԿԱ/. Նախնական տվյալներով՝ 2025 թ.-ի հունվար-հոկտեմբերին Հայաստանում սպառողական գները աճել են 3.3%-ով՝ 2024 թ.-ի հունվար-հոկտեմբերի համեմատ։ Այս մասին են վկայում Հայաստանի վիճակագրական կոմիտեի տվյալները։
Այս տարվա հոկտեմբերին՝ նախորդ տարվա հոկտեմբերի համեմատ, աճը կազմել է 3.7%, իսկ այս տարվա սեպտեմբերի համեմատ՝ 0.3%։
Արդյունաբերական ապրանքների գները այս տարվա առաջին 10 ամիսներին՝ նախորդ տարվա նույն ժամանակահատվածի համեմատ, աճել են 3.3%-ով։ Հոկտեմբերին տարեկան աճը կազմել է 5.2%, իսկ ամսական աճը՝ 1.1%։
Վիճակագրական կոմիտեի նախնական տվյալների համաձայն՝ 2025 թ.-ի հունվար-հոկտեմբերին Հայաստանում տնտեսական ակտիվության ցուցանիշը աճել է 8.1%-ով՝ 2024 թ.-ի հունվար-հոկտեմբերի համեմատ։
